Наманган вилояти Чуст туманида тадбиркорнинг 118 миллион сўм пулини қўлга киритган маҳалла раиси аниқланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Чуст туман бўлими томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилган. Унда тумандаги «Ю» маҳалласининг Б.С. исмли раиси «G.B» МЧЖ раҳбари Ғ.нинг соғломлаштириш ва спорт маркази қуриш ниятида юрганини билиб, унга қурилиш ишлари учун 475 миллион сўм субсидия маблағини олиб беришини айтгани аниқланди. У МЧЖни субсидия олувчи тадбиркорлик субъектлари рўйхатига киритилгани ҳақида сохта ҳужжатни тақдим этиб, фуқаронинг ишончига кирган. Раис тадбиркорнинг 118 миллион сўмини фирибгарлик йўли билан қўлга киритган.
Ҳолат юзасидан Жиноят кодексининг 168-моддаси (фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Бухорода «темир дафтар»га киритиш учун 400 минг сўм пора олган маҳалла раиси ушланди
- Наманганда тадбиркорга дўкон қуриши учун ер ажратиб бериш эвазига 700 доллар пора сўраган маҳалла раиси қўлга олинди
- Қорақалпоғистонда МЧЖга тегишли қарийб 1 млрд сўмлик корхона ва иморатларни ноқонуний сотиб юборган собиқ раҳбарлар ушланди
Изоҳ (0)