Россия президенти Владимир Путиннинг Украинага бостириб киришга қарор қилганидан кейин рус миллиардерлари бир кун ичида 39 млрд доллар йўқотди. Бу ҳақда Bloomberg хабар бермоқда.
«Лукойл» бошқаруви раиси Вагит Алекперовнинг бойлигида энг катта пасайиш кузатилди. Bloomberg Billionaires Index маълумотларига кўра, Алекперов бир кунда бойлигининг қарийб учдан бирини — 6,2 млрд доллар йўқотди. Ҳозирда унинг бойлиги 13 млрд долларга тушиб кетган. 24 февраль куни Москвадаги нефть ишлаб чиқарувчи компаниянинг акциялари тахминан 33 фоизга арзонлашди.
Пўлат ишлаб чиқарувчи «Северстал» компанияси раиси Алексей Мордашов пайшанба куни 4,2 миллиард доллар йўқотгач, бойлиги 23 млрд долларга тушиб кетди. Норилск Nikeл компанияси президенти ва айни дамда Россиянинг энг бой одами Владимир Потанин 3 миллиард доллар йўқотди.
Асли ўзбек бўлган россиялик миллиардерлар Алишер Усмонов ва Искандар Маҳмудов мос равишда 1,2 млрд доллар ва 0,9 млрд доллар йўқотган.
Аввалроқ Украина банкларига Россия ва Беларусь рублларида операциялар ўтказиш та’қиқлангани ҳақида хабар берилган эди.
Изоҳ (0)