Самарқандда «Ҳизб ут-Таҳрир» террорчилик ташкилоти тарафдорлари фаолиятига чек қўйилди, деб хабар бермоқда ЎзА.
Маълум қилинишича, ДХХ Самарқанд вилояти бошқармаси вилоят ИИБ билан ҳамкорликда февраль ойида тезкор тадбир ўтказган. Тадбир доирасида Самарқанд вилояти Пастдарғом туманида яшовчи А.О. бошчилигидаги 8 нафар маҳаллий фуқаро ижтимоий тармоқларда «виртуал халқа» тузиб, «Ҳизб ут-Таҳрир» террористик ташкилоти ғоялари билан йўғрилган материалларни мунтазам равишда тарқатиб, муҳокама қилиб келгани аниқланган.
Шунингдек, мазкур гуруҳ етакчиси А.О. интернет тармоғи орқали «Ҳизб ут-Таҳрир» террорчилик ташкилоти ғоявий раҳномаларидан бири 1980 йилда туғилган Қирғизистон фуқароси М.Х. (лақаби Маҳмуд Абдулмўмин) билан алоқа боғлаб, унинг кўрсатмалари асосида фаолият олиб бораётгани маълум бўлган.
Ўтказилган тадбир давомида «виртуал халқа» аъзоларининг ноқонуний фаолиятини фош этувчи ашёвий далиллар процессуал тартибда расмийлаштириб олиб қўйиб, уларга нисбатан Жиноят кодексининг 159-моддаси (Ўзбекистон Республикасининг конституциявий тузумига тажовуз қилиш) 1-қисми, 244-1-моддаси (жамоат хавфсизлиги ва жамоат тартибига таҳдид соладиган материалларни тайёрлаш, сақлаш, тарқатиш ёки намойиш этиш) 3-қисми билан жиноят иши қўзғатиган.
Айни пайтда тергов ҳаракатлари олиб борилмоқда.
Мавзуга доир:
- Тошкент шаҳри ва Тошкент вилоятида экстремистик ташкилотларга алоқадор 24 нафар шахс қўлга олинди
- Сирдарёда Telegram орқали экстремистик материалларни тарқатиш билан шуғулланган шахс ушланди
- Қўқонда «Ҳизб ут-Таҳрир»га аъзолиги учун икки марта қамалиб чиққан киши яна шу жинояти учун қўлга тушди
- Андижонда «Ҳизб ут-Таҳрир» ғоялари бўйича сабоқ олаётган 12 нафар аёл қўлга олинди
Изоҳ (0)