Андижон вилоятининг Хўжаобод туманида 32 ёшли фуқаро қарзини сўраб келган аёлни пичоқлаб ўлдирди. Бу ҳақда «Дарё» мухбири хабар бермоқда.
Маълум бўлишича, 2022 йилнинг 19 февраль куни соат 14:00 да Хўжаобод тумани «Гулистон» маҳалласида яшовчи 1990 йилда туғилган Х.Д. исмли аёл таниши, туманнинг «Узун кўча» маҳалласида яшовчи М.Н. исмли эркакнинг олдига бориб, қарз сифатида берган 5 минг доллар пулини сўраган. Улар муаммо сабаб тортишиб қолган.Жанжал вақтида Х.Д. таниши М.Н.ни уриб, унга тан жароҳати етказган. М.Н. эса ёнида бўлган хўжалик пичоғи билан танишининг кўкрак қафасига икки маротаба, орқа ўнг курак соҳасига бир маротаба уриб, унга оғир тан жароҳати етказган. Оқибатда аёл ҳодиса жойида вафот этган.
Ҳолат юзасидан Хўжаобод туман прокуратураси томонидан фуқарога нисбатан Жиноят кодексининг 97-моддаси 1-қисми (қасддан одам ўлдириш) билан жиноят иши қўзғатилиб, процессуал тартибда ушланган.
Изоҳ (0)