Bugun,

  • USD 11095.31
  • RUB 173.84
  • EUR 10772.44

Sirdaryo viloyatida ijtimoiy tarmoqlar orqali ekstremistik va terrorchilik tashkilotlarning radikal g‘oyalarini targ‘ib qilib kelgan shaxs qo‘lga olindi, deb xabar beradi viloyat IIB axborot xizmati.

Ma’lum qilinishicha, Sirdaryo viloyati Ichki ishlar boshqarmasi va DXX Sirdaryo viloyati bo‘yicha boshqarmasi xodimlari hamkorligida tezkor tadbir o‘tkazilgan. Tadbir davomida ijtimoiy tarmoqlar orqali ekstremistik va terrorchilik tashkilotlarning radikal g‘oyalarini targ‘ib qilib kelgan Sirdaryo tumanida yashovchi 30 yoshli A.X. qo‘lga olingan.

Aniqlanishicha, A.X. Telegram messenjerida virtual guruh ochib, aqidaparastlikni targ‘ib qiluvchi audio va video materiallarni joylashtirish orqali uni internet foydalanuvchilari orasida ommalashtirgan.

Shuningdek, tezkor tadbir davomida A.X.ga yaqin aloqasi bo‘lgan G‘.D. (1991-yilda tug‘ilgan) ham tergovga jalb etilgan.

Mazkur shaxslarning uyali aloqa vositalari va yashash manzillaridan olingan daliliy ashyolar protsessual tartibda rasmiylashtirilib olingan. Sirdaryo viloyat IIB Tergov boshqarmasi tomonidan Jinoyat kodeksining 244 prim 1-moddasi (jamoat xavfsizligi va jamoat tartibiga tahdid soladigan materiallarni tayyorlash, saqlash, tarqatish yoki namoyish etish) 3-qismi “g” bandi (ommaviy axborot vositalaridan yoxud telekommunikatsiya tarmoqlaridan, shuningdek internet jahon axborot tarmog‘idan foydalanib sodir etilgan bo‘lsa) bilan jinoyat ishi qo‘zg‘atilgan va A.X.ga nisbatan qamoq ehtiyot chorasi qo‘llanilgan.

Hozirda tergov harakatlari olib borilmoqda.

Avvalroq Qo‘qonda “Hizb ut-Tahrir”ga a’zoligi uchun ikki marta qamalib chiqqan kishi yana shu jinoyati uchun qo‘lga tushgani, Farg‘onada “Turkiston islom harakati” terroristik tashkiloti g‘oyalarini targ‘ib qilgan erkak ushlangani to‘g‘risida xabar berilgandi.

Izoh
Asosiy yangiliklar
Iqtisodiyot
Korrupsiya darajasi, iqtisodiy erkinlik indeksi: O‘zbekistonning xalqaro reytinglardagi o‘rni qanday o‘zgarmoqda?
Dunyo
AQSH Yelsinning Ukraina haqidagi bayonotini maxfiylikdan chiqardi
Iqtisodiyot
O‘zbekistonda frilanserlik: ular qancha maosh oladi va nega ko‘paymoqda?