«Барселона» Испания чемпионатининг 25-турида «Валенсия»ни 4:1 ҳисобида мағлуб этди.
Пьер-Эмерик Обамеянг учрашувда дубль қайд этди. Ўйиндан сўнг Педри томонидан урилган гол ҳам габонлик ҳужумчи ҳисобига ёзилди ва натижада Обамеянг ҳет-трик муаллифига айланди.
Шу тариқа Пьер-Эмерик XXI асрда Франция, Германия, Англия ва Испания чемпионатларида ҳет-трик қайд этган илк футболчига айланди.
32 ёшли ҳужумчи қишки трансфер ойнасида «Барселона» сафига эркин агент сифатида келиб қўшилди. Ундан олдин 3 йилда давомида Лондоннинг «Арсенал» шарафини ҳимоя қилган. Пьер-Эмерик фаолияти давомида «Боруссия Д» ва «Сент-Этен» сафида ҳам ҳет-трик қайд этганди.
Изоҳ (0)