Футбол бўйича Италия А Сериясининг 26-туридан ўрин олган бир қатор ўйинлар 20 февраль, якшанба куни бўлиб ўтди.
«Интер» ўз майдонида «Сассуоло»ни қабул қилди. 8-дақиқада Жакомо Распадори меҳмонларни олдинга олиб чиққан бўлса, 26-дақиқада Жанлука Скамакка жамоасининг иккинчи голини урди. Қолган вақтда ҳисоб ўзгармади.
«Интер» 54 очко билан иккинчи ўринда қолиб кетди ва пешқадам «Милан»дан икки очко ортда қолмоқда. «Сассуоло» эса очколарини 33 тага етказиб олган ҳолда 11-поғонага кўтарилди.
«Аталанта» Флоренцияда «Фиорентина»га қарши баҳс юритди. Иккинчи бўлим бошида Кшиштоф Пионтек томонидан урилган гол мезбонларга ғалаба олиб келди.
А Серия
26-тур баҳслари
20 февраль, якшанба
«Интер» — «Сассуоло» 0:2
Голлар: 0:1 – 8 Распадори, 0:2 – 26 Скамакка.«Интер»: Ҳанданович, Дармиан (Думфрис, 46), де Врей, Шкриньяр, Димарко, Перишич (Д`Амброзио, 78), Чалхонўғлу (Видаль, 78), Гальярдини (Жеко, 46), Барелла, Санчес, Мартинес.
«Сассуоло»: Консилйи, Мюльдюр, Кирикеш, Айҳан (Руан, 46), Кирьякопулос, Лопес, Фраттези (Матеус Энрике, 71), Траоре (Ҳарруи, 78), Берарди (Пелузо, 89), Скамакка (Дефрел, 70), Распадори.
Огоҳлантиришлар: Распадори (49), Мюльдюр (59), Д`Амброзио (86).
Изоҳ (0)