«Ҳозир ёки ҳеч қачон». «Реал» Килиан Мбаппени огоҳлантирди

«Реал» Килиан Мбаппенинг «ПСЖ» билан шартномани узайтириши мумкинлигидан хавотир олмоқда.

90 мин хабарига кўра, парижликлар француз футболчисига космик маош билан 2 йиллик шартнома таклиф қилмоқда, мадридликлар эса бундай маош ваъда қилолмайди.

Испан клуби мавсум охирида футболчининг «Реал»га ўтиши борасида оғзаки келишув борлигига ишончи комил, шу ўринда Мбаппенинг «ПСЖ» билан шартномани узайтириш вариантини ҳам истисно қилинмаслигини тушуняпти.

Шунинг учун раҳбарият ҳужумчини келаётган ёзда жамоага ўтмаса, унга ваъда қилинган маблағ бошқа футболчиларга сарфланиши, бундан сўнг Килианни қўлга киритишга уринишлар бўлмаслиги ҳақида огоҳлантирди.

Аввалроқ Франциянинг амалдаги ва собиқ президентлари Килиан Мбаппега «ПСЖ»да қолишни маслаҳат бергани хабар қилинганди.

Мбаппе жорий мавсум Франция чемпионатида 23 та ўйинда майдонга тушиб, 12 та гол муаллифига айланди.