Футбол бўйича Германия чемпионатининг 23-турида «Бавария» 20 февраль, якшанба куни «Гройтер»ни қабул қилди.
Биринчи бўлим якунланиши арафасида меҳмонлар ҳисобда олдинга ўтиб олди. Бунга мюнхенликлар танаффусдан кейин тўртта тўп билан жавоб қайтарди. «Бавария» сафида Роберт Левандовски дубль қайд этган бўлса, яна бир голга Эрик Максим Шупо-Мотинг муаллиф бўлди. Яна бир тўпни «Гройтер» футболчиси ўз дарвозасига жойлаб қўйди.
Ушбу ғалаба эвазига «Бавария» очколарини 52 тага етказиб олди ва пешқадамликни мустаҳкамлади. «Гройтер» 13 очко билан сўнгги поғонада бормоқда.
Бундеслига
23-тур баҳси
20 февраль, якшанба
«Бавария» — «Гройтер» 4:1
Голлар: 0:1 – 42 Хргота, 1:1 – 46 Левандовски, 2:1 – 61, автогол Грисбек, 3:1 – 82 Левандовски, 4:1 – 90 Шупо-Мотинг.«Бавария»: Ульрайх, Павар, Эрнандес (Зюле, 53), Упамекано, Ричардс (Шупо-Мотинг, 46), Забитцер (Рока, 86), Толиссо (Гнабри, 25), Киммих, Мюллер, Левандовски, Сане (Ваннер, 87).
«Гройтер»: Линде, Майерхефер, Виргевер, Грисбек, Иттер, Зегуин (Грин, 69), Тиллманн, Дудзяк (Нильсен, 22), Кристиансен, Levelинг (Bauer, 62), Ҳргота (Пулулу, 69).
Огоҳлантиришлар: Левандовски (45), Bauer (80), Киммих (88).
Изоҳ (0)