Футбол бўйича Англия Премьер Лигасининг 26-турида «Манчестер Юнайтед» 20 февраль, якшанба куни «Лидс» майдонида меҳмон бўлди.
Учрашувнинг 34-дақиқасида Ҳарри Магуайр меҳмонларни олдинга олиб чиққан бўлса, биринчи бўлимга қўшиб берилган вақтда Бруну Фернандеш жамоасининг иккинчи голини урди.
Иккинчи бўлим дебютида майдон эгалари Родриго ва Рафинья Диаснинг голлари эвазига мувозанатни тиклади. 70-дақиқада Фред манкунианликларнинг комбинациясини Фред гол билан якунлади. Баҳс якунланиши арафасида Энтони Эланга якуний ҳисобни ўрнатди — 2:4.
Ушбу ғалабадан кейин Ральф Рангник шогирдларининг очколари 46 тага етди ва жамоа 4-поғонада бормоқда. «Лидс» (23) 15-поғонадан жой олган.
АПЛ
26-тур баҳси
20 февраль, якшанба
«Лидс» — «Манчестер Юнайтед» 2:4
Голлар: 0:1 – 34 Магуайр, 0:2 – 45+4 Бруну Фернандеш, 1:2 – 53 Родриго, 2:2 – 54 Рафинья, 2:3 – 70 Фред, 2:4 – 88 Эланга.«Лидс»: Меле, Эйлинг, Льоренте (Гелҳардт, 46), Стрейк, Даллас, Кох (Фирпо, 31), Форшоу, Клих, Ҳаррисон (Рафинья, 46), Родриго, Жеймс.
«Манчестер Юнайтед»: Де Хеа, Уан-Биссака, Магуайр, Линдельоф, Шоу, Погба (Фред, 67), Лингард (Эланга, 67), Бруну Фернандеш, Мактоминей, Роналду (Варан, 85), Санчо.
Огоҳлантиришлар: Роналду (56), Стрейк (61), Эйлинг (68), Форшоу (76), Мактоминей (77), Рафинья (81), Шоу (90+2), Фирпо (90+2), Клих (90+5).
Изоҳ (0)