Тозалаш компаниялари ишни ётоқхона, ҳаммомдан тозалашни бошлаш, кейин ошхона ва меҳмонхонага ўтишни тавсия этади. Агар ҳар бир ҳудудга 10-15 дақиқадан кўпроқ вақт сарфланса, ҳақиқатан ҳам бир соат ичида ҳаммасига улгуриш мумкин.
Ётоқхона
Биринчи бўлиб ишни эски чойшабларни алмаштиришдан бошлаш лозим, сўнг барча кераксиз нарсаларни шкафга жойлаштиринг. Бу хонани янада саранжом қилади. Негаки, ётоқ ўрнини тартибга солиш ва чойшабларни текислаш хонадаги ишнинг деярли ярми ҳисобланади.
Иккинчи босқич чангга қарши курашишдир: аввал юзалар қуруқ мато билан артиб олинади, хонадаги чиқиндилар тўғридан-тўғри ерга ташланади. Хона бўйлаб шошиб юриш эмас, балки соат йўналиши бўйича ҳаракат қилиш керак. Хонадаги кўзгу, шкаф ва бошқа жиҳозлар артилгач, полдан чиқиндилар териб олинади ва чангютгич ёрдамида хонадаги сўнгги тозалаш иши амалга оширилади.
Ҳаммом
Ванна, раковина, кафел ва ҳожатхонага улар учун мос бўлган тозалаш воситаси қуйиб чиқилади ва 5-7 дақиқага қолдирилади. Бу вақт ичида ҳожатхона ўриндиғи ва бошқа чанг йиғиладиган жойларни қуруқ латта билан артиб олиш мумкин. Кўзгу ҳам махсус эритма билан тозаланади. Иш сўнгида барча жиҳозлар кимёвий моддалардан губка ёрдамида артиб олинади.
Ошхона
Агар идиш ювиш машинаси бўлса, барча ювилмаган идишларни унга жойлаштириш керак, бўлмаса, доимий раковинага. Аввал ошхона юзаларидан барча кераксиз нарсалар олиб ташланади: уларнинг баъзилари шкафга, бошқалари эса чиқинди қутисига. Столдаги нарсалар қанча кам бўлса, хона шунча тоза кўринади.
Ёғ тозалаш воситаси печ ва унинг эшигига қўлланади. Ишлаётганда, чанг қуруқ мато билан артиб олинади. Печдаги барча доғлар нам губка билан тозаланади. Охирги иш пол бўлиб, унинг юзаси дастлаб чиқиндилардан тозаланади, сўнгра яхшилаб ювилади.
Меҳмонхона
Хонадаги бетартиб нарсалар аввал ўз жойига қўйилади. Парда, шкаф, телевизор ва меҳмонхонада жойлашган барча жиҳозлар чанги артиб чиқилади. Сўнгра чангютгич ёрдамида пол тозаланади. Агар меҳмонхона тез-тез тозалаб турилса, полни артишнинг кераги йўқ.
Йўлак
Мавсумга қараб йўлакда буюмлар олиб ташланади. Оёқ кийимлар ҳам шундай тарзда сараланади. Сўнгра йўлакдаги кераксиз қоғоз ёки бошқа кўзга кўринадиган буюмлар ҳам олинади ва пол чангютгич билан тозаланади.
Изоҳ (0)