Сархил ва сифатли сабзавот ҳамда мева сотиб олишингизда AdMe нашрининг қуйидаги маслаҳатлари асқатади, деган умиддамиз.
Кичик бақлажонлар одатда катталарга қараганда мазалироқ бўлади
- Мазали ва пишган бақлажон танлаётганда унинг пўстига эътибор беринг: у силлиқ ва ялтираган бўлиши керак. Агар ранги хира бўлса, сабзавот нотўғри шароитда сақланган ёки пишиб ўтиб кетган.
- Яхши бақлажонни эзиб кўрсангиз, бироз сиқилади, сиртида ҳеч қандай чизиқ ҳосил бўлмайди.
- Банди яшил бўлиши лозим. Агар у жигарранг ёки қуруқ бўлса, унда бақлажон жуда узоқ вақт давомида сақланган ва эскирган бўлиши мумкин.
- Бақлажон поясида қанча узоқ турса, у ёқимсиз аччиқ таъмга эга бўлади. Кичик ёки ўрта ўлчамдаги сабзавотларни сотиб олган маъқул.
- Саримсоқнинг қанчалик янги эканини билиш учун уни асталик билан сиқиб кўриш керак. Агар у юмшоқ ёки вазни жуда енгил бўлса, сабзавот эскирган ёки қуриб қолган.
- Ҳиди жуда кучли ва ўткир бўлмаслиги лозим. Ҳиди откир саримсоқ моғорлаган бўлиши мумкин.
- Саримсоқ ниш уриб қолган бўлмасин. Кўкарган нишлар саримсоқ жуда узоқ вақт қолиб кетганини кўрсатади.
- Янги ва серсув бодринг одатда тўқ яшил ранги билан кўзни қувонтиради. Ҳар қандай сариқ доғлар сабзавотнинг ҳаддан ташқари пишганини кўрсатади.
- Бодринг таранг, силлиқ бўлиши керак. Бунинг акси бўлса, сўлиётганини кўрсатади.
- Сабзавот ўрта қисмининг семизлиги уруғи кўплигини англатади.
- Бодрингни ҳам кичикларини танлаган маъқул, катталарида йирик уруғлар бўлади.
- Бозордан янги ва ширин сабзи олмоқчи бўлсангиз, унинг ҳажмига эътибор беринг. Кичик сабзилар одатда катталаридан кўра мазали бўлади.
- Пастки қисмида ўқ илдизлари бўлган сабзавотларни олмаган маъқул.
- Сабзининг янгилиги унинг барглари билан белгиланади: агар у сувли, яшил бўлса, унда сабзавот янги узилган.
- Булғори қалампирининг сифатини пўстидан аниқлаш мумкин — силлиқ ва ёрқин. Агар пўстлоғида қора доғлар ёки юмшоқ жойлар бўлса, унда сабзавот айниган бўлиши мумкин.
- Яна бир кўрсаткич — бу бандининг ҳолати. Агар у яшил бўлса, демак, маҳсулот янги.
- Кўринишидан оғирроқ кўринадиган булғор қалампирини танланг.
- Сабзавот бўлаклари сонига қараб «эркак» ва «аёл»га бўлинади, деган фикр бор. Аслида, сабзавотларда жинс тушунчаси йўқ. Булғор қалампири таъмига биринчи навбатда етиштирилган шароит таъсир қилади.
- Гулкарамнинг янгилиги барглари билан аниқланади. Агар улар яшил ва эластик бўлса, унда сабзавот яқинда узилган. Сариқ ва қуриган барглар эскира бошлаганидан дарак.
- Яна бир омил — ҳиди. Жуда кучли ҳидли карам иштаҳаочар таъмга эга бўлмаслигини англатади.
- Гулкарам қаймоқранг бўлиб, жигарранг нуқта ёки қора доғларсиз ва бир-бирига яқин бўлиши керак. Уларда моғор ва ҳашаротлар йўқлигига ишонч ҳосил қилинг
- Пишмаган меваларни танламанг. Улар узоқроқ сақланади, аммо сотиб олаётганда бундай сабзавотларнинг сифатини баҳолаш жуда қийин.
- Помидорлар оғирроқ бўлиши билан бирга, жуда юмшоқ бўлмаслиги керак.
- Сиртда қора нуқта ёки доғлари бўлганини олмаган яхши. Айниқса, улар банди ёнида жойлашган бўлса.
- Янги ва пишган помидор бой ва ёқимли ҳидга эга бўлади. Шунинг учун сабзавотларни сотиб олишдан олдин ҳидлаш керак.
- Агар оддий помидорлар мавсуми бўлмаса, унда черри навидан харид қилинг. Унинг мазаси бошқа навларга қараганда яхшироқ сақланади.
- Яхши пишган бананни пўстининг рангидан осонгина аниқлаш мумкин. Агар у тўқ сариқ, учлари эса яшил ранг бўлса, унда бемалол харид қилиш мумкин.
- Аммо пўстлоғи кул ранг ва хира рангда бўлса, унда мева нотўғри сақланган: ёки у музлатилган ёки аксинча, ҳаддан ташқари пишиб кетган. Бу эса меванинг таъмига таъсир қилади.
Изоҳ (0)