Сомалининг Хиран ҳудудидаги Беледуэйн шаҳрида теракт содир этилди. Оқибатда камида 10 киши ҳалок бўлди, яна 15 нафар маҳаллий аҳоли касалхонага ётқизилди, деб хабар беради Anadolu.
Қайд этилишича, шаҳар марказидаги кафелардан бирида худкуш-террорчи портловчи қурилмани ишга туширган.
Ҳужум депутат сайловига тайёргарлик кўрилаётган Беледуэйн шаҳрида ваҳима қўзғатди. Ҳозирча ҳеч қайси гуруҳ ҳужум учун жавобгарликни ўз зиммасига олмади.
Сўнгги ҳафталарда Сомалининг кўплаб шаҳарларида «Аш-Шабоб» террорчи ташкилоти кетма-кет портлашлар уюштирган эди. Хусусан, февраль бошида мамлакат жанубида микроавтобус минага учраб, портлатилган. 10 киши, жумладан беш аёл ва тўрт бола ҳалок бўлганди.
Ундан аввал Сомали пойтахти Могадишо шаҳрида содир бўлган портлашда беш киши ҳалок бўлган, яна 23 киши жароҳатланган эди. Террорчилар БМТ автокарвонини нишонга олган.
Изоҳ (0)