18 февраль куни ўзини ўзи мустақил деб эълон қилган ДХР ва ЛХР расмийлари Украина атрофидаги эскалация инқирози фонида фуқаролар Россияга эвакуация қилинишини эълон қилди. Қочоқлар Ростов вилоятига жойлаштирилади, деб хабар беради «РБК».
ДХР аҳолиси республика ҳудудидан автобусларда олиб чиқиб кетилмоқда. Республика раҳбари Денис Пушулиннинг сўзларига кўра, биринчи навбатда болалар, аёллар ва кексаларни олиб кетиш ташкиллаштирилган.
Тан олинмаган республика Фавқулодда вазиятлар вазирлигининг маълум қилишича, ДХРдан жами 700 минг кишини эвакуация қилиш режалаштирилмоқда. Улар Ростов вилоятига жойлаштирилади. Ҳозирда у ердаги санаторийлар, соғломлаштириш лагерлари ва дам олиш базаларида 3,2 минг кишилик жой тайёрланган. Яқин вақт ичида жойлар сонини 10 мингга етказиш кутилмоқда.
ДХРда эвакуация эълон қилингани фонида банкоматлар қаршисида узундан узоқ навбатлар юзага келишни бошлаган.
Россиянинг бир қатор, жумладан, Челябинск, Пенза, Калужа ва Владимир вилоятлари қочоқларни қабул қилишга тайёрлигини маълум қилган.
Изоҳ (0)