Самарқанд вилояти Иштихон туманида сохта Ички ишлар ходими қўлга олинди. Бу ҳақда вилоят ИИБ хабар қилди.
Қайд этилишича, Қашқадарё вилояти Чироқчи туманида яшовчи фуқаро Ички ишлар органининг махсус кийим-бошларини Иштихон туманида кийиб юргани аниқланган.
«Кийимни Ф. исмли қизга ўзимни яхши кўрсатиш учун 100 минг сўмга кийим-кечак бозоридаги тикувчидан олдим. Февраль ойида Самарқанд вилояти Иштихон туманига бориб, Ф. исмли қизни излашга тушдим, коллежда ўқийман деганди.
Шу пайт бир ИИБ ходими мени қаерда ишлайсан, деб сўроқ қилди. Гувоҳномамни кўрсатишимни сўраганди, қочиб кетдим. У мени ушлаб, ИИБ идорасига олиб келди. Фуқароларга айтаманки, бундай иш қилманглар. Қилган ишимдан чин дилдан пушаймонман», — дейди у.
Ҳозирда ҳолат юзасидан терговга қадар текширув ҳаракатлари олиб борилмоқда.
Мавзуга доир:
- Андижонда фуқаролардан паспорт ва никоҳ гувоҳномаси қилдириб бериш учун пул олган сохта ИИБ ходими фош бўлди
- Чинозда сохта ЙПХ ходими қўлга олинди. У икки йил олдин ҳам худди шу қилмиши учун жазога тортилган
- «Камерангни синдириб, қўлингга минг доллар бераман, янгисини оласан». Malibu ҳайдовчиси чақирган сохта ходим ЙПХ инспекторларини ҳақорат қилди (видео)
Изоҳ (0)