Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Комил Алламжонов Тошкент шаҳар ҳокими Жаҳонгир Ортиқхўжаевнинг халққа йўллаган очиқ мурожаатига ўз муносабатини билдирди.
Ҳоким хатида сўнгги кунларда жамоатчилик муҳокамасига сабаб бўлган ҳолатларга ўз муносабатини билдирганди. У Комил Алламжонов билан ўрталарида ҳеч қандай совуқчилик, тортишув юзага келмаганини, доимо ҳамкорликда ишлашларини айтиб, турли уйдирмаларни тарқатаётганлардан уларнинг ишлашига халақит қилмасликни сўраган.
Алламжонов унинг фикрлари ҳақиқат эканини маълум қилиб, ўзаро муносабатлари яхши эканини таъкидлаб ўтган.
«Албатта, Жаҳонгир Ортиқхўжаев ҳақ гапни айтган. Бизнинг орамизда ҳеч қандай совуқчилик йўқ ва муносабатларимиз яхши. Мен у киши билан 8 йилдан ортиқ вақтдан бери танишман. Тан олиб айтаманки, ҳоким тадбиркорликни, катта лойиҳаларни, қурилишларни яхши эплайди ва анча ишлар қиляпти. Лекин битта муаммо кўпинча унга халақит беради. Бу ҳам бўлса — унинг гапга йўқлиги. Шу туфайли ҳам кўплаб тушунмовчиликлар юзага келади. Асосийси иш кетяпти.Эслатиб ўтамиз, имло хатолари кўп бўлган бу баёнотни чиндан ҳам Жаҳонгир Ортиқхўжаевнинг ўзига тегишли эканини ҳокимликнинг бирон расмий вакилидан тасдиқлаш имкони бўлмаганди.Гап билганга бир танга, иш билганга минг танга», — дея ёзган Алламжонов.
Ва пост остида #ithurarkarvonsurar хештегини қолдирган.
Аввалроқ ижтимоий тармоқларда Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Комил Алламжонов Тошкент шаҳар ҳокими вазифасини бажаришга тайёрланаётгани тўғрисида хабарлар тарқалди. Кейинроқ бу борадаги миш-мишлар рад этилди. Telegram’даги «Times.uz» канали мазкур хабар қандай тарқатилганига оид воқеа хронологияси ҳақида ёзди.
Изоҳ (0)