Samarqand viloyati Ishtixon tumanida soxta Ichki ishlar xodimi qo‘lga olindi. Bu haqda viloyat IIB xabar qildi.
Qayd etilishicha, Qashqadaryo viloyati Chiroqchi tumanida yashovchi fuqaro Ichki ishlar organining maxsus kiyim-boshlarini Ishtixon tumanida kiyib yurgani aniqlangan.
“Kiyimni F. ismli qizga o‘zimni yaxshi ko‘rsatish uchun 100 ming so‘mga kiyim-kechak bozoridagi tikuvchidan oldim. Fevral oyida Samarqand viloyati Ishtixon tumaniga borib, F. ismli qizni izlashga tushdim, kollejda o‘qiyman degandi.
Shu payt bir IIB xodimi meni qayerda ishlaysan, deb so‘roq qildi. Guvohnomamni ko‘rsatishimni so‘ragandi, qochib ketdim. U meni ushlab, IIB idorasiga olib keldi. Fuqarolarga aytamanki, bunday ish qilmanglar. Qilgan ishimdan chin dildan pushaymonman”, — deydi u.
Hozirda holat yuzasidan tergovga qadar tekshiruv harakatlari olib borilmoqda.
Mavzuga doir:
- Andijonda fuqarolardan pasport va nikoh guvohnomasi qildirib berish uchun pul olgan soxta IIB xodimi fosh bo‘ldi
- Chinozda soxta YPX xodimi qo‘lga olindi. U ikki yil oldin ham xuddi shu qilmishi uchun jazoga tortilgan
- “Kamerangni sindirib, qo‘lingga ming dollar beraman, yangisini olasan”. Malibu haydovchisi chaqirgan soxta xodim YPX inspektorlarini haqorat qildi (video)
Izoh (0)