Болаларда онкологик касалликларнинг тарқалиши ҳар юз минг кишига 14-15 ҳолатни ташкил қилади. Қуйида болаларда саратоннинг биринчи белгилари, хавф омиллари ва даволаш ҳақида энг муҳим маълумотларни эътиборингизга ҳавола этамиз.
Ҳар йили дунё бўйлаб 300 минг бола саратон касаллигига чалинади. Ҳеч бир ота-она ўз фарзандига нисбатан бу ташхисни эшитишга тайёр эмас, лекин билиш керак бўлган баъзи фактлар мавжуд, кеч бўлмасидан касалликнинг дастлабки белгиларини ўтказиб юбормаслик учун.
Саратон бутун дунё бўйлаб болалар ўлимининг асосий сабабларидан биридир
Бутун дунёда болалар саратонининг тарқалиши тахминан бир хил: ҳар 100 000 бола ва ўсмирга 14-15 ҳолат. Турмуш даражаси юқори бўлган кўплаб мамлакатларда аксарият ҳолларда даволаниш муваффақиятли бўлишига қарамай, саратон ҳали ҳам бутун дунё бўйлаб болалар ва ўсмирлар ўлимининг асосий сабабидир.
Ривожланган мамлакатларда болалар саратонини даволаш 80 фоизи муваффақиятли кечади
Болалар ва ўсмирларда саратон касаллигини даволашда муваффақият кўп жиҳатдан мамлакатнинг иқтисодий ривожланиш даражасига боғлиқ. Масалан, иқтисодий ривожланиш даражаси юқори бўлган мамлакатларда 80 фоизгача даволаш ҳолатлари муваффақиятли бўлади. Шу билан бирга, паст ёки ўрта даромадли мамлакатларда терапия фақатгина 20 фоиз ҳолларда ёрдам беради.
Болаларда хавфли ўсмаларнинг ҳар хил турлари мавжуд
Болаларда энг кўп учрайдиган саратон турлари лейкемия, мия шиши, лимфомалар, нейробластома ва нефробластомадир. Умуман олганда, болалар онкологиясида хавфли ўсмаларнинг ўнга яқин шакли мавжуд.
Олимлар ҳалигача болалар саратонининг асосий сабабларини билишмайди
Болалардаги саратон касалликларининг аксариятида маълум сабаб йўқ. Қоида тариқасида, хавфли ўсмаларнинг ривожланиши генетик сабабларга боғлиқ. Баъзи ҳолларда касаллик айрим юқумли касалликлар ёки атроф-муҳит шароитлари туфайли қўзғалиши мумкин.
Болалар саратонининг олдини олишнинг имкони йўқАфсуски, болалар ва ўсмирларда саратон касаллигининг олдини олишнинг тадқиқот усуллари мавжуд эмас.
Болалардаги саратон касаллигини эрта аниқлаш иложсиз
Болалар ва ўсмирларда саратон касаллигининг яна бир хавфи шундаки, эрта скрининг ёрдамида хавфли ўсмаларни аниқлаб бўлмайди. Шу сабабли, ота-оналар ўз фарзандларининг соғлиғига жуда эҳтиёт бўлишлари керак. Айниқса оилада саратон касаллигига чалинганлар бўлса, хавфли касалликнинг дастлабки белгиларидан хабардор бўлиши муҳим.
Кўпгина болаларда саратон касаллигини даволаш мумкин
Юқорида айтиб ўтилганидек, болалар ва ўсмирлардаги саратон касалликларининг 80 фоизигача дори воситалари, жарроҳлик ва бошқа терапия турлари билан даволаш мумкин. Бироқ касалликни имкон қадар эрта аниқлаш жуда муҳимдир.
Кўпинча болаларда саратоннинг умумий белгилари мавжуд
Болалардаги саратоннинг ҳар бир тури ўзига хос белгилар билан бирга бўлишига қарамай, ривожланаётган ўсмани эрта босқичда аниқлашга имкон берувчи бир қатор умумий белгилар мавжуд:
- умумий ҳолатнинг ёмонлашиши, терининг рангсизлиги, интоксикация белгилари;
- вазн камайиши, иштаҳанинг йўқолиши;
- инжиқлик ва йиғлоқилик;
- тез сабабсиз чарчаш;
- тана ҳароратининг назоратсиз кўтарилиши;
- уйқусизлик ва даҳшатли тушлар;
- қўрқув, одамлардан ажралиш, одамовилик.
Изоҳ (0)