Шавкат Мирзиёев 18 февраль куни Тошкент айланма йўли бўйида «бокс стрит» қуриш лойиҳаси билан танишди. Бу ҳақда Президент матбуот хизмати хабар қилди.
Йўл бўйида ташкил этиладиган мажмуада кеча-ю кундуз ишлайдиган савдо, овқатланиш ва маиший хизмат шохобчалари бўлади. Уларни арзон ва тез қуриш мақсадида юк контейнерларидан фойдаланилмоқда.
Бунинг учун 7 гектар ер ажратилиши режалаштирилган. Объектлар тадбиркорларга электрон-онлайн аукцион орқали сотилади. Уларда 500 дан ортиқ иш ўрни яратиш мўлжалланган.
Президент Тошкент шаҳрида ҳаракатланаётган электробусни ҳам кўздан кечирган.«Яшил» транспорт тизимини ривожлантириш, метрополитеннинг кейинги босқичлари ва трамвай йўналишини белгилаш бўйича кўрсатмалар берган.
Мавзуга доир:
- «Менга фақат чиройли жойларни кўрсатаман, деб уринманглар. Ёмонини кўрсатайлик ва бунинг устида ишлайлик» – Шавкат Мирзиёев
- Шавкат Мирзиёев «Спутник» мавзесидаги эскирган 2 қаватли 409 та ёғоч уй бузилиб, уларнинг эгалари янги уй-жойга кўчирилишини маълум қилди
- «Аввал маҳалла раиси эрталабдан ошга борар эди, энди уларнинг вазифаси бошқача бўлиши керак». Шавкат Мирзиёев маҳалла раисларига мурожаат қилди
Изоҳ (0)