Шавкат Мирзиёев «Спутник» мавзесидаги эскирган 2 қаватли 409 та ёғоч уй бузилиб, уларнинг эгалари янги уй-жойга кўчирилишини маълум қилди

Шавкат Мирзиёев 18 февраль куни Сергели ва Янгиҳаёт тумани фаоллари билан йиғилиш ўтказмоқда. Унда давлат раҳбари Сергели туманидаги эски ёғоч уйларнинг бузилиши ҳақида гапириб ўтди, дея хабар бермоқда «Дарё» мухбири.

«Йўлдош» («Спутник») мавзесидаги эскирган 2 қаватли 409 та ёғоч уй бузилиб, уларнинг эгаларини замонавий кўп қаватли турар жойларга кўчириш дастури бошланади. Бунда улар учун келгуси беш йилда «Янги Дархон» маҳалласидаги 14 гектар ҳудудда янги кўп квартирали уйлар қурилади, — дейди президент.

«Агар бирорта одам бу ота-бобомдан қолган уйим, бу уй музей мен учун, кўчмайман деса кўчирмаймиз. Лекин бу уйлар авариявий ҳолатда. Ўрнига янги ва сифатли уй қурилса, тўғри тушунтирилса одамлар ўзи истайди кўчишни. Маҳалла раислари ҳам инсонларга буни тўғри тушунтириши керак», – дейди давлат раҳбари.