Ўзбекистон Миллий Олимпия қўмитаси (МОҚ) Ижроқўми 17 февраль куни навбатдан ташқари йиғилиш ўтказди.
Унда МОҚ раиси Рустам Шоабдураҳмоновнинг истеъфоси масаласи кўриб чиқилди. Қайд этилишича, Шоабдураҳмонов ўз хоҳишига кўра ариза ёзган. Ижроқўм аъзолари мазкур қарорни маъқулланган.
Рустам Шоабдураҳмонов 2019 йилнинг май ойидан бери МОҚ раиси сифатида фаолият юритиб келганди. У мазкур лавозимда Умид Аҳмаджоновнинг ўрнини эгаллаганди.
Миллий Олимпия қўмитасига янги раҳбар МОҚнинг навбатдан ташқари Бош Ассамблеяси йиғилишда сайланади.
Маълумот учун, Рустам Шоабдураҳмонов 2001—2005 йилларда Тошкент шаҳар ҳокими лавозимида фаолият олиб борган. У шунингдек, турли йилларда Макроиқтисодиёт ва статистика вазири ва вазир ўринбосари сифатида ҳам ишлаган, 1999—2004 йилларда Олий Мажлис депутати бўлган. Шоабдураҳмонов 2017 йилдан бери Ўзбекистон Қиличбозлик федерацияси раиси ҳисобланади.
Изоҳ (0)