Чемпионлар Лигаси 1/8 финалининг дастлабки ўйинида «ПСЖ» ўз майдонида «Реал»ни (1:0) мағлуб этди.
Ушбу баҳсда мадридликлар ҳужумчиси Карим Бензема иштирок этди. Француз «Реал» либосида Чемпионлар Лигасида 100 марта асосий таркибда тушди ва бу кўрсаткич борасида жамоанинг собиқ ҳужумчиси Криштиану Роналду билан тенглашиб олди.
Бензема ушбу мусобақадаги ўйинлари сонини 140 тага етказди. Бу орқали Бензема ЕЧЛда энг кўп ўйин ўтказган франциялик футболчилар орасида рекордчи ҳисобланган Тьерри Анрига етиб олди.
Карим учрашувда 87-дақиқада ўз ўрнини Гарет Бэйлга бўшатиб берди. Эслатиб ўтамиз, Бензема жароҳат сабаб бир неча ҳафта майдонга туша олмаганди.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)