Футбол бўйича Европа Чемпионлар Лигаси нимчорак финал босқичидан ўрин олган икки учрашув 16 февраль, чоршанба куни бўлиб ўтди.
«Интер» ўз майдонида «Ливерпуль»ни қабул қилиб, 0:2 ҳисобида мағлубиятга учради. Ўйиннинг катта қисмида ҳисоб очилмади, фақатгина 75-дақиқада Роберто Фирмино бурчакдан оширилган тўпни боши билан дарвозага йўллаб, меҳмонларни олдинга олиб чиқди. 83-дақиқада эса Муҳаммад Салоҳ миланликлар жарима майдончаси ичидаги тартибсизликдан фойдаланиб, орадаги фарқни оширди.
Шу тариқа «Ливерпуль» сафарда кечган ўйинда «Интер»ни ишончли ҳисобда мағлуб этиб, жавоб баҳси олдидан имкониятларини ошириб олди.
«Бавария» сафарда «Зальцбург» меҳмони бўлиб, кутилмаганда дуранг натижа қайд этди. 21-дақиқада Junior Адаму ажойиб зарбаси билан ҳисобни очган бўлса, мюнхенликлар учрашувнинг сўнгги дақиқасида Кингсли Команнинг голи эвазига мағлубиятдан қутилиб қолишнинг уддасидан чиқди.
Ҳар иккала қарама-қаршилик ўртасидаги жавоб баҳслари 8 март санасига белгиланган.
Европа Чемпионлар Лигаси
1/8 финал, дастлабки баҳслар
16 февраль, чоршанба
«Интер» Италия – «Ливерпуль» Англия 0:2
Голлар: 0:1 – 75 Фирмино, 0:2 – 83 Салоҳ.«Интер»: Ҳанданович, Думфрис (Дармиан, 87), де Врей (Ranоккия, 87), Шкриньяр, Бастони (Димарко, 90), Перишич, Видаль (Гальярдини, 87), Брозович, Чалханўғлу, Жеко, Мартинес (Санчес, 70).
«Ливерпуль»: Алиссон, Александер-Арнольд, ван Дейк, Konaте, Робертсон, Тиаго Алькантара (Милнер, 86), Фабиньо (Ҳендерсон, 59), Эллиотт (Кейта, 59), Салоҳ, Мане (Диас, 59), Диогу Жота (Фирмино, 46).
«Зальцбург» Австрия – «Бавария» Германия 1:1
Голлар: 1:0 – 21 Адаму, 1:1 – 90 Коман.«Зальцбург»: Кен, Кристенсен, Вебер, Соле, Ульмер, Камара, Зайвалд (Сучич, 80), Капалдо, Ааронсон, Окафор (Адаму, 12), Адееми (Кьергор, 87).
«Бавария»: Ульрайх, Зюле, Эрнандес, Павар, Гнабри (Шупо-Мотинг, 77), Толиссо (Забитцер, 80), Киммих, Мюллер, Левандовски, Коман, Сане.
Огоҳлантиришлар: Коман (83), Кен (87), Забитцер (90).
Изоҳ (0)