Chempionlar Ligasi 1/8 finalining dastlabki o‘yinida “PSJ” o‘z maydonida “Real”ni (1:0) mag‘lub etdi.
Ushbu bahsda madridliklar hujumchisi Karim Benzema ishtirok etdi. Fransuz “Real” libosida Chempionlar Ligasida 100-marta asosiy tarkibda tushdi va bu ko‘rsatkich borasida jamoaning sobiq hujumchisi Krishtianu Ronaldu bilan tenglashib oldi.
Benzema ushbu musobaqadagi o‘yinlari sonini 140 taga yetkazdi. Bu orqali Benzema YChLda eng ko‘p o‘yin o‘tkazgan fransiyalik futbolchilar orasida rekordchi hisoblangan Tyerri Anriga yetib oldi.
Karim uchrashuvda 87-daqiqada o‘z o‘rnini Garet Beylga bo‘shatib berdi. Eslatib o‘tamiz, Benzema jarohat sabab bir necha hafta maydonga tusha olmagandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)