Украина Фавқулодда вазиятлар давлат хизмати Евроатлантика офатларга жавоб беришни мувофиқлаштириш марказидан (EADRCC) халқаро ёрдам сўради. Бу ҳақда НАТО сайтида хабар берилди.
Украина агентлиги «тинч аҳолига таъсир қилиши мумкин бўлган ёт характердаги кенг кўламли фавқулодда вазиятларга» тайёргарлик кўрмоқда, дейилади хабарда.
Украина томонидан сўралган асбоб-ускуналар ва механизмлар рўйхати 78 та пунктдан иборат бўлиб, 6 та тоифага бўлинади:
- автотранспорт воситалари ва улар учун махсус техникалар (жумладан, 10 та бульдозер, 10 та трактор, 30 та йўлтанламас ва 70 та пикап, олтита минадан тозалаш машинаси, 760 дан ортиқ двигателли пуфлама қайиқлар);
- махсус асбоблар ва жиҳозлар (портловчи қурилмаларни қидириш асбоблари, металл детекторлар, электр генераторлари);
- инфратузилма, таъмирлаш ва вақтинчалик иншоотларни қуришда ёрдам берувчи воситалар;
- асбоб-ускуналар ва шахсий ҳимоя воситалари (шлемлар, сув костюмлари, қутқарувчилар учун 22 минг жуфт ва ўт ўчирувчилар учун 11 минг жуфт ҳимоя қўлқоплари, противагазлар, 70 минг дона кимёвий ҳимоя костюмлари);
- алоқа ускуналари;
- дори воситалари ва тиббий буюмлар (антибиотиклар, инфузион эритмалар, бинтлар, ҳимоя ниқоблари, 10 000 жуфт тиббий қўлқоплар);
- рақамли технологияларни жорий этишда ёрдам
Вашингтон ўз қоидаларига кўра, уруш борасида аниқ саналар ҳақида расмий изоҳ бермаган. АҚШ президентининг миллий хавфсизлик масалалари бўйича ёрдамчиси Жейк Салливан CNN’га берган интервьюсида ҳужум санаси қачон бўлишини гапирмаган, лекин бу исталган вақтда содир бўлиши мумкинлиги ҳақида айтган. Салливан Вашингтондагиларнинг фикрича, Москва Пекиндаги қишки Олимпиада ўйинлари вақтида ёки ушбу мусобақалардан кейин ҳам Украинага бостириб кириши мумкинлигини таъкидлаган.
The Wall Street Journal манбаларига кўра, Зеленский Россия босқинини эҳтимолдан йироқ, деб ҳисоблайди. Ўз навбатида Россия ҳукумати бирор мамлакатга ҳужум қилмоқчи эмаслигига ишонтирмоқда.
Изоҳ (0)