Ukraina Favqulodda vaziyatlar davlat xizmati Yevroatlantika ofatlarga javob berishni muvofiqlashtirish markazidan (EADRCC) xalqaro yordam so‘radi. Bu haqda NATO saytida xabar berildi.
Ukraina agentligi “tinch aholiga ta’sir qilishi mumkin bo‘lgan yot xarakterdagi keng ko‘lamli favqulodda vaziyatlarga” tayyorgarlik ko‘rmoqda, deyiladi xabarda.
Ukraina tomonidan so‘ralgan asbob-uskunalar va mexanizmlar ro‘yxati 78 ta punktdan iborat bo‘lib, 6 ta toifaga bo‘linadi:
- avtotransport vositalari va ular uchun maxsus texnikalar (jumladan, 10 ta buldozer, 10 ta traktor, 30 ta yo‘ltanlamas va 70 ta pikap, oltita minadan tozalash mashinasi, 760 dan ortiq dvigatelli puflama qayiqlar);
- maxsus asboblar va jihozlar (portlovchi qurilmalarni qidirish asboblari, metall detektorlar, elektr generatorlari);
- infratuzilma, ta’mirlash va vaqtinchalik inshootlarni qurishda yordam beruvchi vositalar;
- asbob-uskunalar va shaxsiy himoya vositalari (shlemlar, suv kostyumlari, qutqaruvchilar uchun 22 ming juft va o‘t o‘chiruvchilar uchun 11 ming juft himoya qo‘lqoplari, protivagazlar, 70 ming dona kimyoviy himoya kostyumlari);
- aloqa uskunalari;
- dori vositalari va tibbiy buyumlar (antibiotiklar, infuzion eritmalar, bintlar, himoya niqoblari, 10 000 juft tibbiy qo‘lqoplar);
- raqamli texnologiyalarni joriy etishda yordam
Vashington o‘z qoidalariga ko‘ra, urush borasida aniq sanalar haqida rasmiy izoh bermagan. AQSh prezidentining milliy xavfsizlik masalalari bo‘yicha yordamchisi Jeyk Sallivan CNN’ga bergan intervyusida hujum sanasi qachon bo‘lishini gapirmagan, lekin bu istalgan vaqtda sodir bo‘lishi mumkinligi haqida aytgan. Sallivan Vashingtondagilarning fikricha, Moskva Pekindagi qishki Olimpiada o‘yinlari vaqtida yoki ushbu musobaqalardan keyin ham Ukrainaga bostirib kirishi mumkinligini ta’kidlagan.
The Wall Street Journal manbalariga ko‘ra, Zelenskiy Rossiya bosqinini ehtimoldan yiroq, deb hisoblaydi. O‘z navbatida Rossiya hukumati biror mamlakatga hujum qilmoqchi emasligiga ishontirmoqda.
Izoh (0)