Ижтимоий тармоқларда қушлар галасининг тўсатдан нобуд бўлгани тасвирланган видеолавҳа тарқалди, деб хабар қилмоқда Reuters.
Мехико шимолидаги Чихуахуа шаҳридаги хавфсизлик камералари 14 февраль куни қушлар галасининг тўсатдан бирваракайига нобуд бўлганини тасвирга олган.
Альваро Обрегон ҳудуди полициясининг сўзларига кўра, ҳар йили Канада шимолидан Мексикага юзга яқин сариқбош қораялоқлар қишлаш учун учиб келади. Маҳаллий ветеринарнинг полицияга маълум қилишича, қушлар яқин атрофдаги иситиш тизимидан чиққан заҳарли тутун ёки электр кабелидаги ҳаддан ортиқ зарядланиш туфайли ўлган бўлиши мумкин.
Расмийларнинг сўзларига кўра, қушлар ўлимга нима сабаб бўлгани ҳануз номаълумлигича қолмоқда.
Аввалроқ океандаги сув ҳарорати кўтарилгани сайин, албатрос жуфтликлари орасида ажрашишлар сони ошиб бораётгани ҳақида хабар қилинганди.
Изоҳ (0)