Ijtimoiy tarmoqlarda qushlar galasining to‘satdan nobud bo‘lgani tasvirlangan videolavha tarqaldi, deb xabar qilmoqda Reuters.
Mexiko shimolidagi Chixuaxua shahridagi xavfsizlik kameralari 14-fevral kuni qushlar galasining to‘satdan birvarakayiga nobud bo‘lganini tasvirga olgan.
Alvaro Obregon hududi politsiyasining so‘zlariga ko‘ra, har yili Kanada shimolidan Meksikaga yuzga yaqin sariqbosh qorayaloqlar qishlash uchun uchib keladi. Mahalliy veterinarning politsiyaga ma’lum qilishicha, qushlar yaqin atrofdagi isitish tizimidan chiqqan zaharli tutun yoki elektr kabelidagi haddan ortiq zaryadlanish tufayli o‘lgan bo‘lishi mumkin.
Rasmiylarning so‘zlariga ko‘ra, qushlar o‘limga nima sabab bo‘lgani hanuz noma’lumligicha qolmoqda.
Avvalroq okeandagi suv harorati ko‘tarilgani sayin, albatros juftliklari orasida ajrashishlar soni oshib borayotgani haqida xabar qilingandi.
Izoh (0)