Ёш муаммо эмас. 95 яшар Буюк Британия қироличаси кетчуп ва жигарранг соус ишлаб чиқаришни йўлга қўйди, деб ёзади Elle.
The Sun нашрининг ёзишича, қиролича ишлаб чиқаришни йўлга қўйган маҳсулотни нонушта ёки куннинг ҳар қандай вақтида истеъмол қилиш мумкин. Шунингдек, кетчуп хурмо, олма шарбати, хушбўй зираворлар ва сирка билан бойитилган.
Барча зираворлар қироличанинг Сандрингемдаги Норфолк мулкида етиштирилади ва фақат табиий маҳсулотлардан иборат. Соусларнинг сотувга чиқарилиш санаси ҳали эълон қилинмаган.
Бу қироличанинг биринчи озиқ-овқат бизнеси эмас. Букингем саройи 2020 йилда спиртли ичимликлар брендини ишга туширган. Қироллик оиласи ишлаб чиқарган ичимлик Лондондаги боғларда етиштирилган маҳсулотлардан тайёрланади ва дўлана, лимон вербена, тут ва дафна барглари билан бойитилган.
Изоҳ (0)