Таиландда заҳарли қора илон жазирама иқлимда салқин жойга киришга уринди (видео)

Таиландда ёз мавсуми бошлангани ва жазирама кузатилаётгани туфайли заҳарли кобра илони аёллар ҳожатхонасига кириб жойлашди. Бу ҳақда Newsflare хабар берган.

3 февраль куни судралиб юрувчи заҳарли ҳайвон жазирамадан қочиб Сарабуру провинциясидаги салқин хонага кириб олган.

Уй эгасининг қизи илонни сув турган челаклар атрофида кулча бўлиб ўралиб ётганини кўрган.

Дарҳол қутқарувчилар ҳодиса жойига чақирилган ва улар илонни уйдан ташқарига олиб чиққан.

Хонадон эгаси қизининг бақирганини эшитиб хонага отилиб киргани ва ичкарида қора илонни кўрганини айтди.

«Мен қизимга дарҳол кўчага югуриб чиқишимизни айтдим ва ташқарига чиққанимиздан кейин ёрдам сўрадик», – дейди у.

Қутқарувчилар ҳодиса жойига етиб келгач, махсус воситаларда илонни тутиб қопга солишган ва маълум вақт ўтгач кобра табиий шароитга қўйиб юборилган.

Таиландда ҳаво ҳарорати йил давомида Цельсий шкаласи бўйича 30 даражадан ошади. Декабрь ойи охирида ва январь бошида йиллик тропик ёмғирлар туфайли нисбатан салқинроқ иқлим кузатилади, шунингдек, июлдан ноябргача давом этадиган ёмғирлар мавсумида ҳам ҳаво илиқлашади.