Кембриждаги Travelodge меҳмонхонасидан робот чангютгич қочиб кетди, деб ёзади «Korrespondent.net».
Қайд этилишича, автоматлаштирилган тозаловчи ускуна Орчард боғидаги меҳмонхона эшиги олдида тўхтамай, 2022 йил 20 январь куни «озодликка чиққан». Меҳмонхона остонаси бунга тўсқинлик қилган, аммо «қочоқ» уни енгиб ўтишга муваффақ бўлган.
Меҳмонхона менежерининг ёрдамчиси робот топилса, уни қайтариб беришни сўраб, ижтимоий тармоқларда «буюк қочиш» ҳақидаги ҳикояни жойлаштирди.
Ходимнинг қайд этишича, гаджет фақат док-станция ва меҳмонхонадаги қувватлагич билан мос келади, шунинг учун у эҳтимолий ўғрилар учун фойда келтирмайди. У қурилмани қайтариб берган кишига меҳмонхона барида бепул ичимлик ваъда қилган.
Эртаси куни робот меҳмонхонага киравериш яқинидаги буталар орасидан топилган. Меҳмонхона ходимларининг таъкидлашича, энди қурилма робот чангютгичлар жамоаси билан бирга «бахтли жавондан ўрин эгаллайди».
Изоҳ (0)