Қашқадарё вилояти Муборак тумани ИИБ бошлиғи Х.Б. қамоққа олинган. Бу ҳақда «Дарё»га вилоят прокуратураси ахборот хизмати хабар берди.
«Дарё» мухбири билан суҳбатлашган Муборак тумани ҳокимлиги ахборот хизмати раҳбари Ёдгор Тўймуродов ҳам бугун, 12 февраль куни туман ИИБ бошлиғини излаб, тополмаганини айтган. «Дарё» манбаси эса туман ИИБ бошлиғи Х.Б. кеча, 11 февраль куни вилоят прокуратурасига чақирилиб қайтиб келмаганини, у фуқарога ер олиб беришни ваъда қилиб, 50 минг доллар билан қўлга олинган ҳоким ўринбосари масаласига алоқаси борлиги тахмин қилинаётганини билдирган.«Мен ҳам туман ИИБ масъуллари билан гаплашганимда, улар ИИБ бошлиғи кеча вилоят прокуратурасига кетганини, ҳали ишга келмаганини айтишганди», — дейди «Дарё» мухбири билан суҳбатлашган Муборак тумани ҳокимлиги ахборот хизмати раҳбари Ёдгор Тўймуродов.
Эслатиб ўтамиз, фуқарога ер олиб беришни ваъда қилиб 50 минг доллар билан қўлга олинган Миришкор тумани ҳокими ўринбосари, туман Маҳалла ва оилани қўллаб-қувватлаш бўлими бошлиғи У.Я. ҳокимликка ўтгунга қадар вилоят ИИБ бошлиғи ўринбосари сифатида фаолият юритган.
Изоҳ (0)