Мадагаскар оролига ёпирилган «Бацираи» тропик бўрони оқибатида камида 101 киши ҳалок бўлди. Бу ҳақда Иконго округи депутати Жан Брюнел Разафинциандраофага таяниб, Мадагасcar Tribune газетаси хабар берди.
Маълумотларга кўра, бешта коммунада одамлар вафот этган. Оролнинг шарқий қисмида жойлашган Иконго округи тўрт кун олдин биринчи бўлиб бўронга учраган эди. Қурбонларнинг аксарияти кучли шамол ва кўчкилар туфайли уйларнинг қулаши оқибатида ҳалок бўлган. Бинолар том маънода тоғ ёнбағирларидан суриб ташланган.
Марказий ҳокимият идораларига Иконго округидаги барча ҳалок бўлганлар тўғрисида тегишли тартибда расмийлаштирилган ҳужжатлар ҳалигача етиб келмаган.
Эслатиб ўтамиз, икки ҳафта олдин Жанубий Африка давлатларига «Ана» тропик бўрони ёпирилганди. Ҳинд океанининг жануби-ғарбида бошланган бўрон 2022 йил 22 январда Африка соҳилларига етиб келган. Кучли шамол ва сув тошқинлари Мадагаскар, Мозамбик ва Малавида минглаб уйларни вайрон қилди, камида 86 нафар одам ҳалок бўлдим 100 минглаб кишилар табиий офатдан қочиб, хонадонларини тарк этди ва электр таъминоти йўқ ерларга кетган.
Изоҳ (0)