Коко Шанелнинг ҳеч қачон урфдан қолмайдиган 5 та буюми (фото)

Бу нафис француз аёли нафақат машҳур мода уйини яратди, балки келажак йиллар учун услуб траекториясини ҳам белгилаб берди. Қуйида Коко Шанелнинг гардеробга оид урфдан қолмайдиган 5 буюми билан танишиб чиқиш мумкин.

Албатта, мода олами Коко Шанелдан қарздор. У туфайли дунё бўйлаб аёллар қандай нафис ва соҳибжамол кўринишни билиб олди. Қолаверса, брендга тегишли бўлган атир ёки косметик воситалар ҳар қандай аёлнинг орзусидир. Дизайнернинг туғилган куни шарафига унинг йиллар давомида ўз аҳамиятини йўқотмайдиган севимли буюмларини бирма-бир ёдга олишга қарор қилдик.

Марварид

Коко учун марваридлар асосий аксессуар эди – у дурни мукаммал функционал безак сифатида кўрди. Қимматбаҳо зумрад, ёқут ва олмосларни кундалик образга мослаш қийин бўлгани учун ҳам марваридли тақинчоқни оддий трикотаж кийим билан ҳам кийиш мумкин. Бу каби тақинчоқни бир нечта қатлам қилиб тақиш орқали кечки зиёфатга ҳам мукаммал кўриниш ҳосил қилиш осон. Айтганча, у заргарлик буюмлари табиий тошлар ва қимматбаҳо металлардан қолишмаслигини кўрсатган, шунинг учун марваридларнинг ҳам ҳақиқийи бўлмаслиги мумкин.

Твит костюм

Шанел туфайли энг кўримсиз материалдан тайёрланган костюм модага айланди. Бир куни Коко Шотландия бўйлаб саёҳат қилиб, ишчиларнинг кўпчилиги бу матони ғижим бўлмаслиги, қоматни мукаммал таъкидлаши ва шу билан бирга бошқа материалларга қараганда сезиларли даражада енгил бўлганлиги учун танлашини пайқаб қолди. Ўша саёҳатдан сўнг дизайнер Шанел твит костюмини яратади, кейинчалик бутун дунё ушбу либосни севиб қолди. Ҳозирда ҳам аёллар ўша даврдаги французлардан қолишмайди, аммо замонавий тенденцияларга мос равишда либос бичими ўзгарган. Лекин Коконинг ўзига хос услуби сақланиб қолган.

Занжирли сумка

Занжирли сумка энг қулай аксессуар – ундан воз кечиш қийин. Маълум бўлишича, у вертикал чизиқлар туфайли тасвирни ҳам узайтиради. Шунингдек, қора рангдаги ўрта ўлчамли сумка ҳам кундалик машғулотлар учун ҳам, кенг кўламли тадбирлар учун ҳам мос келади. Классика ҳамиша урфда бўлгани учун ҳам аёллар ҳамиша ушбу моделдаги сумкани афзал кўради.

Йўл-йўл кийим

Яна бир денгиз саёҳатидан илҳомланиб, Коко ҳар бир қизнинг гардеробида денгизчилар каби чизиқ-чизиқ кофта бўлиши керак, деб қарор қилди. Кейинчалик уни дунёнинг асосий мода ихлосмандлари кийишни бошлади: Жаклин Кеннеди, Брижит Бардо, Мерилин Монро, Одри Хепберн ва бошқа кўплаб машҳурлар. Бугунги кунда Шанел коллекцияларини ушбу кийимсиз тасаввур қилишнинг иложи йўқ ва у аллақачон замонавий тенденциялар руҳига мослаштирилган.

Қора либос

Афсонавий қора либос ҳақида эшитмаган одам бўлмаса керак. Кокодан олдин бу ранг мотам либоси деб ҳисобланган. У бундай либосга кўпроқ заргарлик буюмларини қўшди, натижада тасвир бутунлай ўзгарди. Ушбу либоснинг ўзига хос хусусияти бичимининг ихчамлигидадир. Коконинг ўзи миди узунликдаги вариантларни танлаган ва белга камар билан урғу берган. Дизайнерлар ушбу мавсумда мазкур образни такрорлашни тавсия қилади.