Кийимнинг қоматга моси танланса, исталган образ ўзига хос ва қизиқарли бўлиши мумкин. Marie Claire нашри дўмбоқ аёлларга қандай устки кийимлар ярашиши ҳақида маълумот бериб ўтади.
Чарм куртка
Plussize қомат эгалари учун олд қисми ёқали, кенг турадиган курткалар айни муддао ҳисобланади. Пастки қисми бўксада тугамаса, бундай вариантдаги устки кийим ихчамроқ кўринишга ҳисса қўшади. Ўзига хос ёқа ва носимметрик замок эса образни ноодатий кўрсатиши аниқ.
Тренч
Трапеция бичимли тренчнинг миди узунлигидагисини танлаш тавсия қилинади. Белбоғини ёки устидан камар тақиш орқали эса белга урғу бериш мумкин бўлади.
Пальто
Пальтони эса тренч сингари миди узунлигидагисини танлаш тавсия қилинади. Oversize вариантдагиси билан ёпишиб турадиган шим кийиш, замонавий ва ихчамроқ кўринишга ёрдам беради.
Кўйлак-пальто
Дўмбоқ қиз ва аёллар учун ушбу мавсумда долзарб бўлган кўйлак бичимли пальто айни муддао. Джинси шим, шапка ва ботинкалар билан мослаш мумкин бўлгани сабаб бўкса ўртасида турадиган узунликдаги моделларга эътибор қаратиш керак.
Куртка
Тўладан келган аёл ва қизлар совуқ мавсумда куртканинг ортиқча деталларсиз, тўғри бичимлисини кийиши керак.
Мўйна
Трапеция ёки тўғри бичимли мўйналар бўксаси кенг бўлган нозик жинс вакиллари учун айни муддао. Узунлиги эса миди ёки тиззанинг ўртасида бўлгани яхши.
Дублёнка
Дублёнкаларни уст қисми экочармдан ишлаган, ёқали ва мўйнаси бор вариантларига эътибор қаратиш керак.
Блейзер
Блейзерларнинг эса камарли ва бел қисмига урғу берилган моделини танлаш мақсадга мувофиқ бўлади.
Кейп
Қоматдаги камчиликларни яшириш учун кейпдан яхшиси йўқ. Аммо унинг қоматни энг кенг қисмида тугамаслигига эътибор бериш керак. Тўқ рангли ва катак принтли моделларни танланган маъқул.
Изоҳ (0)