Koko Shanelning hech qachon urfdan qolmaydigan 5 ta buyumi (foto)

Bu nafis fransuz ayoli nafaqat mashhur moda uyini yaratdi, balki kelajak yillar uchun uslub trayektoriyasini ham belgilab berdi. Quyida Koko Shanelning garderobga oid urfdan qolmaydigan 5 buyumi bilan tanishib chiqish mumkin.

Albatta, moda olami Koko Shaneldan qarzdor. U tufayli dunyo bo‘ylab ayollar qanday nafis va sohibjamol ko‘rinishni bilib oldi. Qolaversa, brendga tegishli bo‘lgan atir yoki kosmetik vositalar har qanday ayolning orzusidir. Dizaynerning tug‘ilgan kuni sharafiga uning yillar davomida o‘z ahamiyatini yo‘qotmaydigan sevimli buyumlarini birma-bir yodga olishga qaror qildik.

Marvarid

Koko uchun marvaridlar asosiy aksessuar edi – u durni mukammal funksional bezak sifatida ko‘rdi. Qimmatbaho zumrad, yoqut va olmoslarni kundalik obrazga moslash qiyin bo‘lgani uchun ham marvaridli taqinchoqni oddiy trikotaj kiyim bilan ham kiyish mumkin. Bu kabi taqinchoqni bir nechta qatlam qilib taqish orqali kechki ziyofatga ham mukammal ko‘rinish hosil qilish oson. Aytgancha, u zargarlik buyumlari tabiiy toshlar va qimmatbaho metallardan qolishmasligini ko‘rsatgan, shuning uchun marvaridlarning ham haqiqiyi bo‘lmasligi mumkin.

Tvit kostyum

Shanel tufayli eng ko‘rimsiz materialdan tayyorlangan kostyum modaga aylandi. Bir kuni Koko Shotlandiya bo‘ylab sayohat qilib, ishchilarning ko‘pchiligi bu matoni g‘ijim bo‘lmasligi, qomatni mukammal ta’kidlashi va shu bilan birga boshqa materiallarga qaraganda sezilarli darajada yengil bo‘lganligi uchun tanlashini payqab qoldi. O‘sha sayohatdan so‘ng dizayner Shanel tvit kostyumini yaratadi, keyinchalik butun dunyo ushbu libosni sevib qoldi. Hozirda ham ayollar o‘sha davrdagi fransuzlardan qolishmaydi, ammo zamonaviy tendensiyalarga mos ravishda libos bichimi o‘zgargan. Lekin Kokoning o‘ziga xos uslubi saqlanib qolgan.

Zanjirli sumka

Zanjirli sumka eng qulay aksessuar – undan voz kechish qiyin. Ma’lum bo‘lishicha, u vertikal chiziqlar tufayli tasvirni ham uzaytiradi. Shuningdek, qora rangdagi o‘rta o‘lchamli sumka ham kundalik mashg‘ulotlar uchun ham, keng ko‘lamli tadbirlar uchun ham mos keladi. Klassika hamisha urfda bo‘lgani uchun ham ayollar hamisha ushbu modeldagi sumkani afzal ko‘radi.

Yo‘l-yo‘l kiyim

Yana bir dengiz sayohatidan ilhomlanib, Koko har bir qizning garderobida dengizchilar kabi chiziq-chiziq kofta bo‘lishi kerak, deb qaror qildi. Keyinchalik uni dunyoning asosiy moda ixlosmandlari kiyishni boshladi: Jaklin Kennedi, Brijit Bardo, Merilin Monro, Odri Xepbern va boshqa ko‘plab mashhurlar. Bugungi kunda Shanel kolleksiyalarini ushbu kiyimsiz tasavvur qilishning iloji yo‘q va u allaqachon zamonaviy tendensiyalar ruhiga moslashtirilgan.

Qora libos

Afsonaviy qora libos haqida eshitmagan odam bo‘lmasa kerak. Kokodan oldin bu rang motam libosi deb hisoblangan. U bunday libosga ko‘proq zargarlik buyumlarini qo‘shdi, natijada tasvir butunlay o‘zgardi. Ushbu libosning o‘ziga xos xususiyati bichimining ixchamligidadir. Kokoning o‘zi midi uzunlikdagi variantlarni tanlagan va belga kamar bilan urg‘u bergan. Dizaynerlar ushbu mavsumda mazkur obrazni takrorlashni tavsiya qiladi.