Совуқ мавсумда очиқ босоножкалар ва чиройли туфлилар этиклар билан алмаштирилади. Бундай пайтда маълум бир образ учун пойабзал танлашда хатолар юзага келади. MarieCleire нашри энг кўп учрайдиган хатоларни таҳлил қилиб, ечимлари ҳам таклиф қилади.
1-хато: Этикни сумка рангига мослаш
Бу жуда эскирган қоида бўлиб, бугунги кунда танлов имкониятини чеклайди холос. Масалан, 10 жуфт этигингиз бор, демак, бу қоидага кўра, 10 та сумкангиз ҳам бўлиши керакми?
Ечим. Бугунги кунда ушбу қоидага риоя қилиш шарт эмас, этик сотиб олаётганда гардеробингиздаги либослардан келиб чиқиб қайси ранг кўпчилик либосларга мос келишини аниқлаш кифоя.
2-хато: Юбка билан фақат пошнали пойабзал кийиш
Кўпчилик аёллар юбка кийганда фақат пошнали пойабзалларни танлашади. Бу қоида ҳам уларнинг танлаш эркинлигини чеклайди, аммо пошнасиз этик билан ҳам жуда қизиқарли образларни яратишингиз мумкин. Пошнали этикни эса расмий кўриниш учун, маълум бир дресс-код талаб қилинганда ёки романтик саналарда кийиш мумкин.
Ечим. Юбка ёки кўйлак, масалан, труба этиклар ёки текис тагли этиклар билан бирлаштирилиши мумкин. Деярли ҳар қандай пойабзал мос келади. Бу образга мардлик, жасурлик сифатларини беради ва уни янада қизиқарли қилади.
3-хато: Шимни фақат ботильон ва ботинка билан кийиш
Юбка билан бўлгани каби шим билан ҳам мутлақо нотўғри бўлган фикр бор — шимни ботильон ёки ботинка билан кийиш керак. Тўғри, образ деярли ҳар доим яхши кўринади, лекин яна танловни чеклайди.
Ечим. Шимни узун этик билан ҳам кийса болади. Бироқ баъзи нюансларни кўриб чиқиш лозим. Этик оёқларни маҳкам сиқиб турмаслиги керак.
Бу йилги мавсум тенденцияси — «жокей» ботинкалари. Улар этикдан бўш, шунинг учун қўнжига шим почаларини осонгина киритиш мумкин ва улар жуда замонавий кўринади. Бундан ташқари, кенг шим билан баланд ботфорт кийманг, тиззадан баланд ёки пастроқ ботфорт танлаган маъқул
4-хато: Этикнинг нотўғри танланган баландлиги ва ранги туфайли оёқларнинг калта кўриниши
Узун бўйли қизга кўзингиз тушди, лекин у визуал равишда бўйи паст кўринади. Нотўғри танланган этик баландлиги ва ранги бу эффектни яратиши мумкин.
Гап шундаки, терининг оч ранги ва этикнинг тўқ ранги ўртасидаги контраст юзга келади. Бундай ҳолда оёқлар визуал равишда ҳақиқатан ҳам калта кўринади. Агар пойабзал ёрқин рангда бўлса, бундай кескин контраст бўлмайди.
Ечим. Агар узун ва чиройли оёқларингизга урғу бермоқчи бўлсангиз, унда этик баландлиги ва рангига аҳамият берганингиз яхши. Мисол учун, агар сизда миди ёки махи узунликдаги юбка бўлса, унда этак қисми тугаган жойдан бошланадиган этик кийган маъқул.
5-хато: Кийиниш услубига мос бўлмаган этик танлаш
Баъзи аёллар бизнес услубидаги кийимини унга мутлақо мос бўлмаган этик билан уйғунлаштириб, «барибир ишда пойабзалимни ўзгартираман» дейишади. Айниқса, бундай образ учун баланд, ингичка пошнали ботфорт кийилгани камида ноўрин кўринади.
Ечим. Гап шундаки, ҳар қандай услуб маълум бир маънога эга ва шунга мос равишда керакли таассурот қолдиради. Ингичка пошнали пойабзалар драматик услуб бўлиб, улар тажовузкор таассурот беради. Бизнес услуби масъулиятли, омадли ва қатъий аёлни назарда тутади. Ишда бундай услубларни аралаштириш мутлақо мос эмаслигини тан олиш керак.
Ҳар бир услубнинг ўзига хос пойабзали бор. Аммо бу уларни бирлаштириш мумкин эмас, дегани эмас. Албатта, мумкин, лекин бутун образ қизиқарли ва табиий кўриниши учун буни услуб қоидаларига риоя қилган ҳолда қилиш керак.
Изоҳ (0)