Байрам арафасида дўстлар билан учрашув, оилавий кечки овқат, музейга саёҳат ва кичик зиёфат – ҳаммаси бир кунга тўғри келади. Бу эса гардеробда ҳар қандай вазиятга мос келадиган либос бўлишини талаб қилади. Дизайнерлар жорий йилнинг биринчи кунлариданоқ порлоқ ва ёрқин образда намоён бўлишни тавсия этади.
Негадир комбинезон ёз фаслида кўпроқ кийилади. Аммо жун матодан тикилгани ҳар қандай иш жараёни учун ҳам қулай ҳисобланади. Айниқса, у бироз қалин ва тор бичимдаги свитер билан бирлаштирилса. Шунингдек, мазкур образга пошнали туфли эмас, аксинча челси оёқ кийими жуда мос келади.
Фото: Grazia
Совуқ кунларда иссиқ шим айни муддао. Улар ҳам иссиқ, ҳам қулай. Шунингдек атлас ёки юпқароқ кофта бўлса, уларни узоққа қўймаслик керак. Тўсатдан белгиланган учрашувлар учун ушбу образ чиройли зираклар билан янада бойитилади.
Қиш мавсумида ҳамма либос ўта жиддий бўлиши шарт эмас. Ҳеч бўлмаганда, биргина элемент ёрқин ранг бўлиши лозим. Мисол учун, қора кўйлак устидан кийиладиган жилет ва сумканинг ранги бир-бирига мос келиши мумкин. Шунингдек, кўйлак билан баланд пошнали ботфорт жуда мос келади. У қор ва ёмғирли об-ҳавога ҳам чидамли, айниқса, учрашувга боришдан аввал тозалаш осон.
Фото: Grazia
Ушбу бир-бирига қарама-қарши комбинация байрам учун ажойиб образ бўла олади. Бўйин қисми ноодатий тарзда бичилган кофта ва миди юбка учун ҳар қандай услубдаги пойабзал тўғри келади. Қизил рангли сумка эса ҳақиқий байрам шукуҳини пайдо қилади.
Баҳоргача тайёргарликни яшириш керак эмас. Ушбу мавсумда қисқа шим ва oversize бичимидаги устки кийим урфга кирди. Ушбу образ ҳам ёш ва макон таламайди. Албатта, контраст ранглардан фойдаланиш тасвирни янада бойитади. Шунинг учун мазкур тавсияларга амал қилишда имкон қадар ёрқин рангларга мурожаат қилиш зарур.
Изоҳ (0)