Қандай кийим-кечаклар билан образ яратиш қоматнинг тўла кўринишига сабаб бўлиши ҳақида Marie Claire нашри маълумот бериб ўтади.
Калта турадиган шимлар
Калта турадиган шим қоматни кўнгилдагидек кўрсатмаслиги аниқ. Шу сабаб ҳам шим олганда узунроғини харид қилиш керак. Болдирнинг ўртасида турадиган узунликдаги шим билан бўйингиз ҳам паст кўриниб қолади.
Қоматни яшириш
Аксарият аёллар кенг кийим-кечаклар билан қоматидаги камчиликни яширмоқчи бўлади. Аммо бу ҳар доим ҳам иш беравермайди. Бошдан оёқ кенг кийиниш чиройли кўринишга сабаб бўлмайди. Бунинг ўрнига қоматга урғу берган яхши. Бу борада камар ва белбоғлар айни муддао ҳисобланади.
Ҳаддан ортиқ тор кийиниш
Ортиқча тор кийим-кечак эса аксинча қоматдаги камчиликларнинг кўзга ташланиб туришига сабаб бўлади. Айнан шу сабаб ҳам тор ва кенг вариантларга эмас, қоматнинг ўз ўлчамига монанд кийимларни кийган маъқул.
Oversize ва яна oversize
Oversize билан образ яратганда тепа ёки пастки кийимнинг бири торроқ туриши керак. Жемпер ёки свитерингиз кенг бўлса, жинси ёки бел қисмига урғу берилган юбка кийиш тавсия қилинади.
Принтли шим
Турли пртинтлар қоматнинг янада кенгроқ кўринишига сабаб бўлади. Шу сабаб ҳам иложи борича оддий ва сипороқ шим моделларига эътибор қаратиш тавсия қилинади.
Устма-уст кийиниш
Замонавий ва трендга хос бўлгани билан, устма-уст кийиниш ҳаммага ҳам мос келавермайди. Қолаверса, тўлароқ кўринишга ҳисса қўшади.
Бўйни ёпиқ кийимлар
Исталган образни яратиш мумкин бўлган водолазка бўйинни ёпиб қўйгани ҳисобига одамнинг бўйи паст кўриниб қолади. Қомат эса одатдагига нисбатан тўлароқ туюлиши мумкин. Шу сабаб ҳам унинг ўрнига ёқали ёки олд қисми V шаклини эсга соладиган кофталарга эътибор қаратиш тавсия қилинади.
Нотўғри узунликдаги юбка
Нотўғри узунликдаги юбка бўйни паст, қоматни эса тўла кўрсатади. Узун вариантларни яхши кўрсангиз, миди узунлигидаги моделларга эътибор қаратинг.
Сифатсиз трикотаж
Сифатсиз матодан тикилган кийимлар образга путур етказишдан ташқари, қоматнинг хунук кўринишига ҳам сабабчи бўлиб қолади. Шу боис ҳам қаттиқ ва сифатли матодан тикилган вариантларга эътибор қаратиш тавсия қилинади.
Изоҳ (0)