Аввалроқ Asia Alliance Bank’нинг асосий эгаси ўзгаргани ҳақида хабар берилган эди. Январь ойининг охиридан Британиянинг Gor Investment Ltd компанияси унга эгалик қила бошлади.
Бу бўйича тафсилотлар яқинда оммага маълум қилинди. Эндиликда банкнинг 77,2 фоизини Asia Alliance Group ва Gor Investment назорат қилишади. Уларга компаниянинг 576 745 997 акциялари тегишлидир:
Asia Alliance Bank’га 2009 йили асос солинган. 2010 йили SWIFT, Western Union, Asia-Express’ларга уланди, Россия ва Германиянинг банклари билан дастлабки вакиллик алоқаларини ўрнатди.
2018 йили банк раҳбарлиги давлат хизматчилари қўлига ўтди, 2019 йилда эса Asia Alliance Bank давлат назоратига ўтказилгани Марказий банк томонидан тасдиқланди.
Asia Alliance Bank қанақасига яна хусусийлаштирилди?
Бу ҳақида биринчи хабар 2020 йилнинг ўрталарида пайдо бўлди — банкнинг матбуот хизмати Давлат активларни бошқариш агентлик бошқарувидаги акцияларни Британиянинг Gor Investment Ltd компаниясига ўтказиш ҳақидаги қарор қабул қилинганини хабар берди.
Таъкидланишича, бу банк секторидаги давлат улушини камайтириш ҳамда стратегик хорижий инвесторларни жалб қилиш дастури доирасида амалга оширилган.
Нима учун айнан Gor Investment Ltd?
Банкнинг матбуот хизматида, ҳамкор танлашда самарали бошқарувнинг муваффақиятли тажрибаси ҳисобга олингани, Gor Investment Ltd компанияси олдин ҳам банк акциядорларидан бири бўлганлиги таъкидланди.
Gor Investment Ltd компаниясига 1999 йили асос солинган. У фаолиятнинг икки тури – молиявий холдинглар ва очиқ инвестицион компанияларини бошқарувчи ёпиқ акциядорлик жамиятдир. Раҳбарлар – Стоян Баумеер (Швейцария), Орнелла Афина Мкртчян (Англия).
2009 йили компания Asia Alliance Bank’нинг унга боғлиқ шахслар рўйхатига кирган ва у ерда банк миллийлаштирилгунга қадар мавжуд бўлган.
Asia Alliance Bank билан энди нима бўлади?
Банкнинг тубдан ўзгартирилишини таъминлаш, замонавий ахборот технологиялар ва дастурий маҳсулотларини тарғиб қилиш, корпоратив бошқарувни такомиллаштириш, кадрлар маҳоратини ривожлантириш ва банк позициясини халқаро рейтингларга олиб чиқиш бўйича чора-тадбирлар инвестор томонидан давом эттирилиши банкнинг матбуот хизматида таъкидланди.
Шунингдек, Ўзбекистон минтақаларида газ ва кимё, фармацевтика ҳамда таълим соҳаларига киритилган бевосита хорижий инвестициялар ҳисобига молиялаштиришнинг лойиҳавий пакетлари банк инвестори томонидан шакллантирилди.
Ўзбекистоннинг банк секторида нималар юз бермоқда?
Ўзбекистонда деярли барча соҳалар, шу жумладан, банкларнинг давлат томонидан бошқарилиши анъанага айланган эди. Хусусий банклар кам бўлган бўлса, хорижий банклар ундан ҳам кам эди.
2018 йили Марказий банк Ўзбекистондаги банк секторини келгусида ислоҳ қилиш, шу билан бирга, хусусийлаштириш бўйича асосий йўналишларни тақдим этган эди.
Давлат ўзига қарашли бўлган банклар сонини қисқартиришга уринмоқда, бу эса мамлакат банк тизимининг ривожланишига имкон беради. Бу ҳақида нафақат Марказий банк, балки давлат раҳбари ҳам айтиб ўтган.
Шавкат Мирзиёев 2018 йилдаёқ банклар фаолиятини яхшилаш учун банкларнинг устав капиталига жисмоний шахсларни ва хориждан юқори малакали мутахассисларни фаол жалб этиш бўйича топшириқ берган эди.
2019 йилда Ўзбекистон банк тизимининг асосий муаммоси – унинг 83 фоизи давлатга тегишли эканлиги давлат раҳбари томонидан таъкидланган эди. Бу эса банкларнинг ривожланиши ва рақобатлашишига тўсиқ бўлади.
Шавкат Мирзиёев банкларнинг хусусийлаштирилиши ўта муҳим вазифа эканлигини, бу иш амалга оширилмаса, ўз навбатида, бутун мамлакат ривожланишини тўхтатиб қўйишини алоҳида таъкидлаган эди.
Изоҳ (0)