Ўзбекистон бозорига катта режаларга эга бўлган USM Telecom компаниясининг бошқарувчиси ўзгарди

Борис Добродеев USM Telecom бош директори этиб тайинланди. Бу ҳақда «Коммерсантъ» маълумот берди.

Бундан олдин Добродеев ВК интернет ҳолдинги («Mail.ru» Group, ВКонтакте ва «Одноклассники» ижтимоий тармоқларини назорат қилади) раҳбари бўлган эди.

USM Telecom ва Ўзбекистон

USM Telecom — Алишер Усмоновга тегишли бўлган USM Holdingning асосий телекоммуникация ва IТ активларини бирлаштирувчи компания.

2021 йилда USM Telecom Ўзбекистонга кириб келган ва ўша йили Digital Holding қўшма корхонасини тузиш босқичини якунлаган эди. 

Қўшма корхона таркибига Ucell алоқа операторининг 100 фоиз устав капитали, USM шўъба корхоналари — CRPT Turon ва ICS Holding Uzbekistan киришган. 

Шунингдек, Россия томони Digital Holding компаниясини ривожлантириш учун 100 миллион доллар сармоя киритади. 

Қўшма корхонанинг 51 фоиз улуши МегаФон ва USM Telecom қўшма корхонаси Digital Invest’га, 49 фоизи эса Ўзбекистон Давлат активларини бошқариш агентлигига тегишли.

USM Telecom иштирокида тузилган компания Ўзбекистонга катта режаларга эга.

Digital Holding қуйидагилар билан шуғулланади:

• электрон тижоратни ривожлантириш бўйича маслаҳатлар;
• маркалаш тизимини яратишда иштирок этиш;
• рақамли бозорни амалга ошириш;
• молиявий, тўлов ва содиқлик хизматлари тизимини яратиш;
• янги телекоммуникация тузилмасини қуриш ва бошқалар.