Samsung компанияси Galaxy S22 смартфонлари ва Galaxy Таb S8 планшетларининг янги линиясини тақдим этди.
Жанубий Корея компанияси Apple билан рақобат қилиш учун смартфон стратегиясини мослаштирмоқда. Бундан ташқари, Galaxy Таb S8 планшетининг тақдимоти ҳам бўлиб ўтди.
Смартфонлар 3 та модель билан ифодаланади: S22, S22+ ва S22 Ultrа.
S22 6,1 дюймли, S22+ 6,6 дюймли экранга эга. S22 Ultrа’да 6,8 дюймли дисплей ва стилус мавжуд.
Galaxy S22 ва S22+ 50 мегапикселли асосий камера, 10 мегапикселли теле-фото линза ва 12 мегапикселли ултракенг бурчакли линзаларни ўз ичига олган уч камерали тизимга эга. Бундан ташқари смартфонлар 10 кишининг ҳар бирига фокусни автоматик равишда созлайдиган AutoFraming билан жиҳозланган.
S22 Ultrа’да 108 мегапикселли асосий камера ва иккита 10 мегапикселли теле-фото линзалар мавжуд. Бу эса объектни 100 мартагача катталаштириш имконини беради.
Galaxy S22, S22+ ва S22 Ultrа Galaxy сериясидаги смартфонларга тарихда биринчи бўлиб 4 нанометрли процессор ўрнатилди. Бу смартфонларга катта ҳажмдаги вазифаларни бажаришга имкон бериши айтилмоқда.
Қайд этилишича, S22+ ва S22 Ultrа 5G тармоқларига уланиши мумкин.
Смартфонлар 11 мартдан сотувга чиқарилади. S22 Ultrа смартфонларининг нархи 1 199 доллардан бошлаб сотилиши айтилмоқда.
Бундан ташқари, Samsung учта янги планшетни тақдим этди: Galaxy Таb S8, S8+ ва S8 Ultrа. Улар худди смартфонлар каби 11 мартдан сотувга чиқарилади. Таb S8 Ultrа модели 1 099 доллардан бошлаб сотилади.
Galaxy Таb S8 Ultrа 12 мегапикселли, ишлаб чиқарувчига кўра, видеоқўнғироқлар вақтида 4K сифатини узатувчи иккита олд камера ва 14,6 дюймли экранга эга бўлади.
Bloomberg маълумотларига кўра, Samsung ўзининг смартфон стратегиясида сўнгги йилларда энг катта ўзгаришларни амалга оширмоқда.
Изоҳ (0)