Samarqand viloyatining ayrim hududlarida ayni vaqtlarda qor yog‘moqda, deb xabar beradi “Daryo” muxbiri.
Samarqand viloyati IIB yo‘llarda muzlamalar hosil bo‘lishini mumkinligini bildirib, haydovchilarni ob-havo sharoitini inobatga olgan holda, ehtiyotkorlik bilan harakatlanishga chaqirdi.
Avvalroq “O‘zgidromet” O‘zbekistonning ayrim hududlarida 8-fevral kuni qor yog‘ishi mumkinligi haqida ogohlantirgandi.
Eslatib o‘tamiz, “O‘zgidromet” 6-fevral, yakshanba kuni tog‘oldi va tog‘li hududlarda ba’zi joylarda yog‘ingarchilik kuchli bo‘lishi mumkinligini, tog‘li avtomobil yo‘llarda qor uyumlari va ko‘rinish yomonlashishi kutilayotganini ma’lum qilgandi. Shu kuni Samarqand va Qashqadaryo viloyatlarini bog‘lovchi Taxtaqoracha dovonida kuchli qor yog‘di. Qalin qor tufayli soat 17:30 dan Qashqadaryo viloyatining Kitob tumanidan o‘tgan M-39 avtomobil yo‘lining Taxtaqoracha dovoni avtomobillar harakati uchun vaqtincha yopildi. Yopilgan yo‘l 7-fevral kuni soat 08:30 da qayta ochildi.
Izoh (0)