Ўзбекистон Марказий банки миллий валюта белгисини яратиш бўйича «Сўм белгиси» танловини эълон қилди.
Танловда мамлакат миллий валютасининг халқаро миқёсда ўзига хослиги, халқимизнинг маданий қадриятлари ва бошқалардан ажралиб турувчи хусусиятларини ифодаловчи энг яхши график ишлар аниқланади.
Иштирок этиш учун 2022 йил 31 мартга қадар ариза, ўз ғоянгиз тасвири ва концепцияси билан биргаликда tanlov@cbu.uz электрон манзилига юбориш лозим.
Ғолибга Марказий банк томонидан пул мукофоти тақдим этилади.
Танлов қоидалари билан бу ерда танишиб чиқиш мумкин.
Ўзбек сўми биринчи марта ўз белгисига эга бўлади
Кўплаб бошқа валюталардан фарқли ўлароқ, ўзбек сўмининг график белгиси мавжуд эмас ва бўлмаган ҳам. Қисқартма сифатида «сўм» ёки «сум» сўзлари, UZS ҳарфларидан иборат белги ёки 860 рақамидан фойдаланиб келинган.
МДХ ҳудудида арман драми (֏), Украин гривнаси (₴), Озарбайжон манати (₼), қозоқ тангаси (₸), қирғиз сўми (⊆), Россия рублининг (₽) график белгилари мавжуд.
Энг машҳур валюта белгиси доллар ҳисобланиб, у XVIII асрнинг 70 йиллари охирида расмий ёзишмаларда замонавий кўринишда пайдо бўлган.
Изоҳ (0)