Марказий банк янги портални ишга туширди. У ерда индивидуал кредит ёки омонатни топиш мумкин

Марказий банк www.bankxizmatlari.uz сайтини ишга туширди. Бу ҳақда регулятор матбуот хизмати хабар берди.

Мазкур сайт молиявий хизматлар, масалан, кредитлар ва омонат пуллари бўйича хизмат кўрсатади. Бу ерда даромадли валюта курслари ҳақида билиб олиш, турли таклифларни таққослаш имконияти мавжуд. 

Порталда индивидуал кредит ёки омонат танлаб олиш мумкин. Масалан, маълум сумма, муддат ва автомобиль ҳолатидан келиб чиққан ҳолда мос келган автокредит турини топиш мумкин.      

Омонатларни нафақат миллий валютада, балки чет эл валютасида ҳам танлаб олиш мумкин. Уларни фоизлар, белгиланган муддат, шартлар бўйича саралаш мумкин.

Бундан ташқари, сайтда харитада банкноталар сурати туширилган маълумотлар ҳам мавжуд. Ҳозирда портал синов муддатида ишламоқда.