Instagram: «Бола тилидан»ни тарк этган Азиза Ёқубова, «Сабрия» ҳақида фикр билдирган Зарина Низомиддинова, машинасини сотаётган Мадина Мумтоз

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Севинч қизи Лейла билан Дубайда дам олмоқда.

Феруза Норматова Аллоҳдан ўзига бахт тилади.

4 февраль куни продюсер, режиссёр ва комик актёр Жавлон Шодмонов туғилган кунини нишонламоқда. Шу муносабат билан яқинлари унга унутилмас сюрприз тайёрлади.

Операциядан кейин бир неча килограмм вазн йўқотган Феруза Жуманиёзова янги фотосессиясини мухлислари эътиборига ҳавола этди.

Воҳиджон Исоқов бемор онасининг кайфиятини кўтариш учун шифохонага хонанда дўсти Шерзодбекни чақириб, қўшиқ куйлаттирди. Унинг онаси кутилмаган совғадан таъсирланиб, йиғлаб юборди.

Актёр Дилшод Мирзамуродов фарзандлари билан тушган суратини саҳифасига жойлади.

Нилуфар Усмонова «Хатлар ёзмайман» деб номланган қўшиғига ишланган клипни тақдим этди.

Болливуд актрисаси Приянка Чопра суррогат она ёрдамида фарзандли бўлганидан сўнг илк марта кўриниш берди.

Актриса Зарина Низомиддинова «Сабрия» сериали билан боғлиқ можарога муносабат билдирар экан, яхши сериал беҳаё саҳналарсиз ҳам ўз томошабинини топишини айтиб ўтди.

Туркиялик таниқли хонанда Таркан ҳам коронавирусни бошдан кечирди. У мухлисларига ўзларини эҳтиёт қилишни тайинлади.

Мадина Мумтоз бир ярим йил аввал турмуш ўртоғи совға қилган Malibu автомобилини сотаётганини маълум қилди.

Блогер Озод Хуррамов туғилган кунидаги суратларни саҳифасига жойлади.

Актриса Азиза Ёқубова «Бола тилидан» кўрсатуви бошловчилигидан кетганини маълум қилди. Унинг айтишича, ушбу кўрсатувда бошловчилик қила бошлаганидан кейин унга нисбатан турли туҳмат ва бўхтонлар бўлган. Шунингдек, Азиза ҳозирда кўрсатувни ёпишга ҳам уринишлар бўлаётганини айтиб ўтди.