Instagram: Зиёда Tashkent City’дан уй сотиб олди, гўзал ва ёлғиз бўлишни танлайдиган Муниса Ризаева, Шаҳзода Матчоновани асабийлаштирадиган ҳайдовчилар

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Режиссёр Зебо Наврўзова невараси Муҳаммад Юсуф дадаси Шоҳруххон иштирокидаги фильмни томоша қилаётгани акс этган видеони саҳифасига жойлади.

Райҳон сабр таги сариқ олтин эканлигини таъкидламоқда.

Шаҳло Зоирова ҳижобли қизларга мўлжалланган кийимлар коллекцияси учун фотосессияда иштирок этди.

Турк актрисаси Мелиса Асли Памук саҳифасига янги сурат жойлади.

Муштарий Зафар Озода Нурсаидованинг «Кетма» қўшиғини қайта куйлади ҳамда унга таъсирли клип суратга олдирди.

Шаҳзода Матчонова ҳайдовчи сифатида йўлларда асабини бузадиган ҳолат ҳақида пост ёзди. Актрисанинг айтишича, қайрилиш чироқларини ёқмайдиган ҳайдовчилар уни асабийлашишга мажбур қилади.

Мадина Мумтоз бир ярим йил аввал турмуш ўртоғи олиб берган Malibu’сини янги автомашина харид қилгани учун сотганини маълум қилди.

Актриса Юлдуз Ражабова мухлисларига янги сурат билан кўриниш берди.

Муниса Ризаева мухлисларининг «Нега ҳалигача турмушга чиқмаяпсиз?», деган саволига жавоб берувчи махсус видео тайёрлади. Унда хонанда севмайдиган инсонига турмушга чиққанидан кўра «гўзал ва ёлғиз бўлишни танлашини» билдирган.

Шаҳзода Муҳаммедова қизалоғи билан Дубайда тушган суратини фолловерлари билан бўлишди.

Хонанда Зиёда мухлисларига Tashkent City’даги янги хонадонини кўрсатди. Унинг ўзи ҳам янги уйига биринчи марта келганини айтиб ўтди.

Дурдона Қурбонова ҳам мухлисларига янги сурат билан кўриниш берди.

Хонанда Қиличбек Мадалиевнинг онаси Умра сафаридан келди. Ҳожи онани қишлоқдошлари катта тантана билан кутиб олди