Freedom Holding халқаро компанияси асосчиси Тимур Турлов Ўзбекистондаги инвестиция фаолияти тўғрисида «Forbes.кз»га берган интервьюсида гапириб ўтди.
2018 йилнинг баҳорида Freedom Holding халқаро инвестиция компанияси Тошкентда Freedom Finance номи остида ўзининг илк филиалини очган эди.
Турловнинг айтишича, Ўзбекистонда мижозларнинг хавотир ва хоҳишлари бошқа давлатларга жуда ўхшаш, бироқ бозорнинг ўзига хос хусусиятлари бор.
Freedom Finance Ўзбекистонда учинчи йилки фаолият юритмоқда. Биз мамлакатдаги энг йирик чакана брокермиз ва бу йил бироз фойда ҳам кўрдик. Аммо ҳамон бу ерга жуда эрта келганимизни ҳис қиляпмиз, — дейди Freedom Finance Uzbekistan асосчиси.
Тадбиркор Ўзбекистонда ҳали ҳам жуда катта чекловлар мавжудлигини таъкидлаб ўтди. Унинг айтишича, компания бу ерда кадрлар етишмовчилигини бошдан кечирмоқда.
Ўзбекистонда омонатларни беғараз кўзлардан, молия институтлари ва ҳар қандай ҳукуматдан узоқроқ сақлашнинг кўп асрлик анъанаси бор. Мамлакатдаги потенциал ажойиб, аммо бу потенциални очиш ҳам муаммо бўлиб, катта миқдордаги маданий ўзгаришларни талаб қилади, — дейди Турлов.
Тимур Турлов 15 йилдан ортиқ вақт мобайнида халқаро инвестициялар соҳасида фаолият юритиб келади ва АҚШ фонд биржалари бўйича мутахассис ҳисобланади.
Унинг фаолияти активлар мажмуасини бошқариш ва чекланган таваккалчилик билан самарали стратегияларни ишлаб чиқишга ихтисослашган, долзарб инвестицион ғоялар бўйича муаллифлик семинарлари ўтказади.
2021 йил апрель ойидаги маълумотларга кўра, тадбиркор 2,2 миллиард доллар капитал билан биринчи марта Forbes рейтингига киритилди ва қозоғистонликлар орасида олтинчи, жаҳон рейтингида 1517-поғонани эгаллади.
Изоҳ (0)