Павел Дуров WhatsApp’нинг хавфсизлик муаммоларини ўз Telegram-каналида танқид қилди.
Дуров WhatsApp’даги хабарлар потенциал тажовузкорлар учун йиллар давомида очиқ қолдирилганини айтиб ўтди. Бу ҳақда АҚШнинг кибер уруш стартапининг Boldend ҳақидаги сўнгги маълумотларида батафсил маълум қилинган.
«WhatsApp яратилганидан бери у хавфсиз бўлган вақт деярли бўлмаган. Тадқиқотчилар ҳар бир неча ойда иловада янги хавфсизлик муаммоларини аниқлайди. Мен бу ҳақда 2 йил олдин батафсил ёзганман» — дейди Дуров.
Telegram эгасининг айтишича, WhatsApp техник жамоаси доимий равишда қобилиятсиз эканлигига ишониш қийин. У Telegram’да ҳеч қачон бундай жиддий хавфсизлик муаммолари бўлмаганини таъкидлаб ўтди.
Аввалроқ Франция ҳукуматининг маълумотлар базасида Павел Дуров Франция фуқаролигини олгани тўғрисида қайд пайдо бўлгани ҳақида хабар берилган эди.
Изоҳ (0)