Freedom Holding xalqaro kompaniyasi asoschisi Timur Turlov O‘zbekistondagi investitsiya faoliyati to‘g‘risida “Forbes.kz”ga bergan intervyusida gapirib o‘tdi.
2018-yilning bahorida Freedom Holding xalqaro investitsiya kompaniyasi Toshkentda Freedom Finance nomi ostida o‘zining ilk filialini ochgan edi.
Turlovning aytishicha, O‘zbekistonda mijozlarning xavotir va xohishlari boshqa davlatlarga juda o‘xshash, biroq bozorning o‘ziga xos xususiyatlari bor.
Freedom Finance O‘zbekistonda uchinchi yilki faoliyat yuritmoqda. Biz mamlakatdagi eng yirik chakana brokermiz va bu yil biroz foyda ham ko‘rdik. Ammo hamon bu yerga juda erta kelganimizni his qilyapmiz, — deydi Freedom Finance Uzbekistan asoschisi.
Tadbirkor O‘zbekistonda hali ham juda katta cheklovlar mavjudligini ta’kidlab o‘tdi. Uning aytishicha, kompaniya bu yerda kadrlar yetishmovchiligini boshdan kechirmoqda.
O‘zbekistonda omonatlarni beg‘araz ko‘zlardan, moliya institutlari va har qanday hukumatdan uzoqroq saqlashning ko‘p asrlik an’anasi bor. Mamlakatdagi potensial ajoyib, ammo bu potensialni ochish ham muammo bo‘lib, katta miqdordagi madaniy o‘zgarishlarni talab qiladi, — deydi Turlov.
Timur Turlov 15 yildan ortiq vaqt mobaynida xalqaro investitsiyalar sohasida faoliyat yuritib keladi va AQSh fond birjalari bo‘yicha mutaxassis hisoblanadi.
Uning faoliyati aktivlar majmuasini boshqarish va cheklangan tavakkalchilik bilan samarali strategiyalarni ishlab chiqishga ixtisoslashgan, dolzarb investitsion g‘oyalar bo‘yicha mualliflik seminarlari o‘tkazadi.
2021-yil aprel oyidagi ma’lumotlarga ko‘ra, tadbirkor 2,2 milliard dollar kapital bilan birinchi marta Forbes reytingiga kiritildi va qozog‘istonliklar orasida oltinchi, jahon reytingida 1517-pog‘onani egalladi.
Izoh (0)